Times Out & Proud: ஓரினச்சேர்க்கையாளர்களை கவுரவிக்கும் நோக்கில் டைம்ஸ் ஆஃப் இந்தியாவின் புதிய முயற்சி

கடந்த 2017 செப்டம்பர் 6ம் தேதி புதிய இந்தியா பிறந்தது. அன்று தான் உச்சநீதிமன்றம் சட்டபூர்வ வயதை அடைந்த ஒரே பாலினத்தைச் சேர்ந்தவர்கள் பாலுறவு கொள்வது குற்றம் கிடையாது என்கிற பரபரப்பு தீர்ப்பை வழங்கியது.

உச்சநீதிமன்ற தீர்ப்பு வெளியாகி பல மாதங்கள் கடந்தவிட்ட நிலையில், இன்னும் LGBTQIA+ என்ற ஆங்கிலத்தில் குறிப்பிடப்படும் தன்பாலின, இருபாலின, மாற்றுபாலின ஈர்ப்பு கொண்டவர்கள், சமூகத்தில் ஒரு அங்கமாக கருதுவதில் சற்று முரண்டுபாடு நீடிக்கிறது.

இதை களையும் நோக்கில், LGBTQIA+ சமூக மக்களுக்காக பிரத்யேக கிளாஸிஃபைட் விளம்பர பகுதியை டைம்ஸ் ஆஃப் இந்தியா ஏற்படுத்தியுள்ளது. Times Out & Proud என்ற பரப்புரையின் கீழ் இந்த பகுதி செயல்படும். சமூகத்தில் புதிய மாற்றும் நிகழும் நோக்கில் இது உருவாக்கப்பட்டுள்ளது.

Times Out & Proud கிளாஸிஃபைட் பகுதியை வீடு, வேலை அல்லது காதல் போன்றவற்றுக்கான வாய்ப்பாக மட்டும் அல்லாமல் LGBTQIA+ மக்களின் உணர்வுகளை ஆவணம் செய்யும் இடமாக செயல்படும். அதன்படி, சமூக மாற்றத்தை எதிர்நோக்கும் LGBTQIA-வினர், அதுதொடர்பான தங்களது சிந்தனையை வெளிப்படையாக இந்த பகுதியில் பதிவு செய்யலாம்.
சமுதாயத்தில் ஒரு நபரின் நிலையை, பாலியல் சார்பு மற்றும் பாலின அடையாளங்கள் போன்றவை தீர்மானிக்கக்கூடாது என்பது தான் Times Out & Proud பரப்புரையின் நோக்கம். இது LGBTQIA+ மக்களுக்கு சமூகத்தில் சமத்துவத்தை பெற்று தருவதற்கான போராட்டமாக அமையும்.
இந்த சமூகத்தில் தங்களை நிலைநிறுத்துக் கொள்ள போராடி வரும் தன்பாலின சமூக மக்கள் குறித்து எடுக்கப்பட்ட படத்துடன் இதற்கான பரப்புரை வெளியிடப்பட்டுள்ளது. அந்த வீடியோவை இங்கே இணைத்துள்ளோம். அதை பார்க்கும் நீங்கள், உங்களுடைய கருத்துக்களை Times Out & Proud பரப்புரையில் எவ்வாறு பதிவு செய்யலாம் என்பதை குறித்து சிந்தியுங்கள். நிச்சயமாக ஒவ்வொருவருடைய உணர்வுகளுக்கும் மதிப்பளிக்கப்படும்.

இப்பக்கத்தை படிக்கும் நீங்கள் LGBTQIA+ சமூகத்தில் ஒரு அங்கமாக இருந்தால், உங்களுடைய கருத்துக்களை outandproud@timesgroup.com என்ற மின்னஞ்சல் முகவரிக்கு எழுதி அனுப்புங்கள். LGBTQIA+ சமூகத்திற்கு ஆதரவு தெரிவிப்பவராக நீங்கள் இருந்தாலும் உங்களுடைய கருத்துக்களையும் இங்கே பதிவு செய்யுங்கள். உரிமைகளை உருவாக்குவோம்.