ஆப்நகரம்

திருமலையில் இப்படியொரு அதிசயம்; ஹனுமன் பிறந்த இடம் கண்டுபிடிப்பு!

ஹனுமன் பிறந்த இடத்தை இதுதான் என்று திருமலை திருப்பதி தேவஸ்தானம் அதிகாரப்பூர்வமாக அறிவித்துள்ளது.

Samayam Tamil 22 Apr 2021, 10:36 am
கடவுள் ராமரின் தொண்டனாக விளங்கிய ஹனுமனின் பிறப்பிடம் குறித்த சர்ச்சை பல ஆண்டுகளாகவே நீடித்து வருகிறது. கர்நாடக மாநிலம் ஹம்பி அருகேவுள்ள பல்லாரி பகுதி ‘கிஷ்கிந்தா ஷேத்ரா’ அல்லது ‘குரங்குகளின் அரசு’ என்று அழைக்கப்படுகிறது. எனவே இங்கு தான் ஹனுமன் பிறந்ததாக ஆய்வாளர்கள் கூறுகின்றனர். அதேசமயம் திருமலையில் உள்ள அஞ்சனாத்ரி பகுதியில் தான் ஹனுமன் பிறந்ததாக திருப்பதி தேவஸ்தானமும், வல்லுநர்களும் கூறுகின்றனர்.
Samayam Tamil tirumala tirupati devasthanams announced lord hanumans birthplace was anjanadri
திருமலையில் இப்படியொரு அதிசயம்; ஹனுமன் பிறந்த இடம் கண்டுபிடிப்பு!


விரிவான ஆய்வு தேவை

ஆனால் சில தொல்பொருள் மற்றும் வரலாற்று ஆய்வாளர்கள் திருப்பதி தேவஸ்தானத்தின் நம்பிக்கை தவறு என்று தெரிவித்துள்ளனர். இதுதொடர்பாக பேசிய கர்நாடகாவைச் சேர்ந்த விஷ்வ இந்து பரிஷத் குழுவினர், இந்த விஷயத்தின் தேவஸ்தானம் கால அவகாசம் எடுத்துக் கொள்ள வேண்டும். வரலாற்று ஆய்வாளர்கள், மத போதகர்கள் ஆகியோருடன் உரிய ஆலோசனை நடத்தி முடிவுக்கு வர வேண்டும் என்று வலியுறுத்தியிருந்தனர்.

குழப்பத்தை ஏற்படுத்தும் புராணங்கள்

இந்து புராணங்கள் சிலவற்றில் வெவ்வேறான தகவல்கள் இடம்பெற்றிருப்பது மேலும் குழப்பத்தை ஏற்படுத்தியது. அதாவது, ஜார்க்கண்ட் மாநிலம் கும்லா மாவட்டம் அஞ்சான் கிராமத்தில் உள்ள குகையில் தான் ஹனுமன் பிறந்ததாக கூறுகிறது. மேலும் மகாராஷ்டிர மாநிலம் நாசிக் அருகே உள்ள அஞ்சானேரி மலைப் பகுதியில் தான் ஹனுமன் பிறந்ததாக வேறு சில புராணங்கள் தெரிவிக்கின்றன.


ஏழுமலையான் பக்தர்களுக்கு சூப்பர் நியூஸ்; இப்படியொரு இன்ப அதிர்ச்சியா?

திருமலையில் ஹனுமன்

அதேசமயம் ஆந்திர மாநிலம் திருமலையில் உள்ள ஏழுமலைகளில் ஒன்றின் மீது அமர்ந்து அஞ்சனா தேவி தவமிருந்தார். அவருக்கு பிறந்தவர் தான் ஹனுமன். இதன் காரணமாகவே அந்த மலைக்கு அஞ்சனாத்ரி என்று பெயரிடப்பட்டது என்றும் கூறப்படுகிறது. இதனை கண்டறிவதற்காக கடந்த டிசம்பர் மாத இறுதியில் குழு ஒன்றை திருமலை திருப்பதி தேவஸ்தான செயல் அதிகாரி கே.எஸ் ஜவகர் ரெட்டி அமைத்திருந்தார்.

தேவஸ்தான குழு ஆய்வு

அதில் பல்வேறு துறைகளைச் சேர்ந்த வல்லுநர்களான ஸ்ரீ வெங்கடேஸ்வரா வேத பல்கலைக்கழகத்தின் துணைவேந்தர் பேராசிரியர் சன்னிதானம் சுதர்ஷன சர்மா, தேசிய சமஸ்கிருத பல்கலைக்கழகத்தின் பேராசிரியர்கள் ராணிசதாசிவ மூர்த்தி, ஸ்ரீ ஜானுமட்டி ராமகிருஷ்ணா, சங்கரநாராயணா ஆகியோர் அடங்குவர். இதற்கு தேசிய சமஸ்கிருத பல்கலைக்கழக துணைவேந்தரும், பேராசிரியருமான முரளிதர ஷர்மா தலைமை வகித்தார்.


முகம் அலங்கோலமாகிடுச்சு: டாக்டரிடம் ரூ. 1 கோடி நஷ்டஈடு கேட்டு ரைசா நோட்டீஸ்

ராம நவமியில் முடிவுகள் அறிவிப்பு

இந்தக் குழுவினர் ஹனுமனின் பிறப்பிடம் தொடர்பாக பல்வேறு ஆதாரங்களைச் சேகரித்தனர். பழங்கால இலக்கியம், கல்வெட்டுகள், வரலாற்று மற்றும் வானியல் கணக்கீடுகளின் அடிப்படையில் தகவல்களை சேகரித்தனர். இந்நிலையில் திருப்பதி திருமலையில் ராம நவமியை ஒட்டி நேற்று சிறப்பான ஏற்பாடுகள் செய்யப்பட்டிருந்தன. இந்த சிறப்பான நாளில் ஹனுமன் பிறப்பிடம் குறித்து ஆய்வின் முடிவுகள் வெளியிடப்பட்டன.

ஆய்வு புத்தகம் வெளியீடு

இதனை 20 பக்கங்கள் கொண்ட புத்தகமாக வெளியிட்டுள்ளனர். தெலுங்கில் வெளியிடப்பட்ட இந்த புத்தகத்திற்கு ’ஸ்ரீ ஹனுமன் பிறந்த திருமலையின் அஞ்சனாத்ரி’ என்று பெயரிடப்பட்டுள்ளது. இது செய்தியாளர்கள் மற்றும் தேவஸ்தான அதிகாரிகளுக்கு வழங்கப்பட்டது. பொதுமக்களின் பார்வைக்காக தேவஸ்தான இணையதளத்திலும் பதிவேற்றம் செய்யப்பட்டிருக்கிறது.


அனைவருக்கும் ஒருமாத சம்பளம் போனஸாக வழங்க உத்தரவு; சூப்பர் நியூஸ்!

ஹனுமன் பிறந்த இடம் இதுதான்

இந்த நிகழ்வில் தேவஸ்தான செயல் அதிகாரி கே.எஸ்.ஜவகர் ரெட்டி, கூடுதல் செயல் அதிகாரி ஏ.வி.தர்மா ரெட்டி, தமிழக ஆளுநர் பன்வாரிலால் புரோகித் உள்ளிட்டோர் உடனிருந்தனர். இந்த ஆய்வில், ஹனுமன் பிறந்த இடம் திருமலையில் உள்ள அஞ்சனாத்ரி என்ற பகுதி என்பது உறுதி செய்யப்படுவதாக தெரிவிக்கப்பட்டுள்ளது. மேலும் இதற்கான ஆதாரங்கள் குறித்தும் விளக்கப்பட்டுள்ளது.

அடுத்த செய்தி