குஜராத்தில் பாஜகவினர் நடத்திய பொதுக்கூட்டத்தில் ஏற்பட்ட கலவரத்தில் 2 பேருந்துகள் தீயிட்டு கொளுத்தப்பட்டன.
குஜராத் மாநிலம் சூரத்தில் பாஜக யுவ மோர்சா அமைப்பின் மாநில தலைவர் ருத்விஜ் பட்டேல் கலந்து கொண்ட பொதுக்கூட்டம் நடந்தது. இதற்கு எதிரப்பு தெரிவித்து அந்த பகுதியில் அதிகம் வசிக்கும் பட்டிதர் அமைப்பினர் ஊர்வலம் நடத்தினர்.
அப்போது இருதரப்பினருக்கும் இடையே ஏற்பட்ட மோதலில் அப்பகுதியில் பாதுகாப்பு பணியிலிருந்த போலீசார் மீது கல்வீசி தாக்குதல் நடத்தப்பட்டது.
மேலும், அங்கிருந்த இரண்டு பேருந்துகளுக்கு அடையாளம் தெரியாத நபர்கள் தீ வைத்தனர். இதனால் இரண்டு பேருந்துகளும் கொளுந்து விட்டு எரிய, அதிர்ஷ்டவசமாக கலவரத்தில் எவ்வித உயிர்சேதமும் ஏற்படவில்லை.
இந்த கலவரத்தில், பட்டதர் அமைப்பைச் சேர்ந்த 17 பேரை போலீசார் கைது செயதனர்.