இந்தியாவின் முதல் பாரம்பரிய நகரம்; யுனெஸ்கோவின் அசத்தும் அறிவிப்பு...!

அகமதாபாத்: இந்தியாவின் முதல் பாரம்பரிய நகரம் என்ற பெருமையை அகமதாபாத் பெற்றுள்ளது.

யுனெஸ்கோ உலக பாரம்பரிய கமிட்டியின் 41வது கூட்டம் போலந்தில் நடைபெற்றது. அதில் பாரம்பரிய நகரம் ஒன்றை தேர்ந்தெடுப்பது குறித்து ஆலோசிக்கப்பட்டது. அந்தப் பட்டியலில் இந்தியாவின் அகமதாபாத் நகரம் இருந்தது. இந்நிலையில் துருக்கி, போர்சுக்கல், தென் கொரியா, ஜிம்பாப்வே, க்யூபா உள்ளிட்ட 20 நாடுகள் அகமதாபாத்தை தேர்வு செய்ய பரிந்துரை செய்தன. இதனைத் தொடர்ந்து மத ஒருங்கிணைப்பிற்கு எடுத்துக்காட்டாக திகழும் அகமதாபாத் நகரம் ஒரு மனதாக தேர்வு செய்யப்பட்டது.

இதன்மூலம் உலக பாரம்பரிய நகரங்களின் பட்டியலில் 287வது நகரமாக இடம்பெற்றது. மேலும் இந்தியாவின் முதல் பாரம்பரிய நகரம் என்ற பெருமையையும் பெற்றது. 600 ஆண்டுகளுக்கு முன்பு, மன்னர் அகமது ஷாவால் கோட்டை நகரமாக அகமதாபாத் உருவாக்கப்பட்டது. குஜராத் மாநிலத்தில் அமைந்துள்ள இந்நகரில், 1915 - 1930க்கு இடைப்பட்ட காலக் கட்டத்தில் மகாத்மா காந்தி வாழ்ந்தார்.

UNESCO adds Ahmedabad to the heritage sites.