இந்தியாவுக்கு புதிய கொரோனா வந்துருச்சா? மத்திய அரசு பதில்!

கடந்த ஓராண்டு காலமாக கொரோனா வைரஸுடன் உலக மக்கள் போராடி வருகின்றனர். இதுவரை கொரோனாவால் கோடிக்கணக்கானவர்கள் பாதிக்கப்பட்டு லட்சக்கணக்கானவர்கள் உயிரிழந்துள்ளனர்.

இந்நிலையில், இங்கிலாந்தில் புதிய கொரோனா வைரஸ் பரவி வருவது கண்டுபிடிக்கப்பட்டுள்ளது. இதனால், கொரோனா பாதிப்பு எண்ணிக்கை மிக வேகமாக உயர்ந்து வருகிறது.

புதிய கொரோனா: வழிகாட்டு நெறிமுறைகளை வெளியிட்டது மத்திய அரசு!

பல இடங்களில் ஊரடங்கு அமல்படுத்தப்பட்டுள்ளது. ஏற்கெனவே பரவி வரும் கொரோனாவை காட்டிலும் புதிய கொரோனா வைரஸ் 70% அதிக வேகத்தில் பரவி வருவதாக பிரிட்டிஷ் பிரதமர் போரிஸ் ஜான்சன் தெரிவித்துள்ளார். இந்த சூழலில், புதிய கொரோனா வைரஸ் இந்தியாவுக்கும் வந்துவிடுமோ என மக்கள் மத்தியில் அச்சம் நிலவுகிறது.

இந்நிலையில், இந்தியாவில் புதிய கொரோனா வைரஸ் பாதிப்பு இதுவரை இல்லை என மத்திய அரசு தெரிவித்துள்ளது. இதுகுறித்து நிதி ஆயோக் உறுப்பினர் டாக்டர் வி.கே.பவுல் இன்று செய்தியாளர்களிடம் பேசியபோது, “இங்கிலாந்தில் கண்டறியப்பட்டுள்ள புதிய கொரோனா வைரஸ் இதுவரை இந்தியாவில் கண்டறியப்படவில்லை.

Nayanthara ஒன்றாக சேர்ந்து குட் நியூஸ் சொன்ன நயன்தாரா, விக்னேஷ் சிவன்

தற்போதைய சூழலில், இந்தியாவிலும் மற்ற நாடுகளிலும் உருவாக்கப்பட்டுள்ள தடுப்பூசிகளுக்கு புதிய வைரஸால் பாதிப்பில்லை” என்று தெரிவித்துள்ளார். இங்கிலாந்து இடையேயான விமானப் போக்குவரத்துக்கு இந்தியா உள்பட 25க்கு மேற்பட்ட நாடுகள் தடை விதித்துள்ளன.