உத்தரப்பிரதேசத்தில் அரசுப் பள்ளி ஆசிரியர்கள் ஜீன்ஸ், டிசர்ட் அணிய தடை!

உத்தரப்பிரதேசம் மாநிலத்தில் அரசுப் பள்ளிகளில் பணிபுரியும் ஆசிரியர்கள், ஜீன்ஸ், டிசர்ட் போன்ற நவீன ஆடைகளை அணிய அம்மாநில அரசு தடை விதித்துள்ளது.

உத்தரப்பிரதேச முதல்வராக பதவியேற்றுள்ள யோகி ஆதித்யநாத், பல்வேறு அதிரடி நடவடிக்கைகளை எடுத்து வருகிறார். அதன் ஒருபகுதியாக, அரசு உயர்நிலைப் பள்ளிகளில் பணிபுரியும் ஆசிரியர்கள், ஜீன்ஸ், டிசர்ட் போன்ற நவீன ஆடைகளை அணிய தடை விதித்துள்ளார்.

இந்த உத்தரவு, ஆண், பெண் என இருதரப்பு ஆசிரியர்களுக்கும் பொருந்தும் என கூறப்பட்டுள்ளது. மேலும், ஆசிரியர்கள் பணி நேரத்தில் செல்ஃபோனில் பேசக் கூடாது என்றும், தாங்கள் பணிபுரியும் பள்ளிக்கூடத்தை, சுத்தமாக வைத்துக் கொள்ள முயற்சிக்க வேண்டும் என்றும், முதல்வர் யோகி ஆதித்யநாத் கூறியுள்ளார்.

அத்துடன், பான் மசாலா, சிகரெட் உள்ளிட்ட புகையிலைப் பொருட்கள் உள்ளிட்டவற்றையும் ஆசிரியர்கள் பயன்படுத்தத் தடை விதிக்கப்பட்டுள்ளதும் குறிப்பிடத்தக்கது.

And Now, UP govt doesn’t want teachers of state-run schools to wear jeans, T-shirts.