உத்தரப் பிரதேச தேர்தல் 2017: எக்ஸிட் போல் கருத்துக்கணிப்பு முடிவுகள்

உத்தரப் பிரதேசத்தில் நடந்து முடிந்துள்ள சட்டப்பேரவைத் தேர்தலின் எக்ஸிட் போல் கருத்துக்கணிப்பு முடிவுகள் வெளியாகியுள்ளன.

உத்தரப் பிரதேச மாநிலத்திற்கான சட்டப்பேரவைத் தேர்தல் ஏழு கட்டங்களாக நடந்து முடிந்தது. இதில், அம்மாநிலத்தில் ஆளும் சமாஜ்வாதி கட்சி மற்றும் காங்கிரஸ் உடனான கூட்டணி 110-130 தொகுதிகளில் வெற்றி பெரும் என்று டைம்ஸ் நவ் – வி.எம்.ஆர். நடத்திய கருத்துக்கணிப்பில் கணிக்கப்பட்டுள்ளது. எதிர்த்துப் போட்டியிடும் பாஜக 54-74 தொகுதிகளைக் கைப்பற்றலாம் என்று அதன் முடிவுகள் கூறுகின்றன.

நியூஸ்எக்ஸ் – எம்.ஆர்.சி நடத்திய கருத்துக்கணிப்பில் உத்தரப் பிரதேசத்தின் ஆளும் கட்சியான சமாஜ்வாதி கட்சி 120 இடங்களை வெல்லக்கூடும் என்றும் பகுஜன் சமாஜ் கட்சி 90 இடங்களில் வெற்றி பெறும் என்றும் கணிக்கப்பட்டிருக்கிறது.

ஏ.பி.பி. நியூஸ் நடத்திய கருத்துக்கணிப்பின் படி, பாஜக 185 தொகுதிகளையும் சமாஜ்வாதி – காங்கிரஸ் கூட்டணி 120 தொகுதிகளையும் கைப்பற்றும் என கூறப்பட்டுள்ளது. பகுஜன் சமாஜ் கட்சி 90 தொகுதிகளை வெல்லாம் என்றும் இந்த கருத்துக்கணிப்பு தெரிவிக்கிறது.