மதிய உணவில் பல்லி வால்- 90 மாணவர்கள் மருத்துவமனையில் அனுமதி!

மிர்சாபூர்: உத்தரப்பிரதேசம் மாநிலம் மிர்சாபூரில் உள்ள பள்ளி ஒன்றில், மதிய உணவில் பல்லி வால் இருந்த சம்பவம் அதிர்ச்சியை ஏற்படுத்தியுள்ளது.

மிர்சாபூரில் இருக்கும் பள்ளி ஒன்றில், நேற்று மதிய உணவு சாப்பிட்ட 90 மாணவர்களுக்கு வாந்தி, மயக்கம் ஏற்பட்டுள்ளது. இதனையடுத்து, மதிய உணவை ஆய்வு செய்த ஆசிரியர்கள், உணவில் பல்லி வால் இருப்பதைக் கண்டறிந்தனர்.

அதன்பின், மாணவர்களை உடனடியாக விந்தியாச்சலத்தில் உள்ள மருத்துவமனையில் ஆசிரியர்கள் சேர்த்தனர். இதில் 45 மாணவர்களின் நிலைமை கவலைக்கிடமாக இருப்பதால், அவர்களை வேறு மருத்துவமனைக்கு கூட்டிச் செல்லத் திட்டமிட்டுள்ளனர்.

Uttar Pradesh: Lizard Tail found in school lunch in Mirzapur