Ranam Movie Shooting: வரலட்சுமி படப்பிடிப்பில் சிலிண்டர் வெடித்து 5 வயது குழந்தையும் தாயும் பலி

வரலட்சுமி சரத்குமார் நடித்து வரும் கன்னட பட படப்பிடிப்பின் போது சிலிண்டர் வெடித்து சிதறியதில், ஷூட்டிங்க் பார்க்க வந்த பெண்ணும், அவருடைய 8 வயது குழந்தையும் உயிரிழந்த சம்பவம் சோகத்தை ஏற்படுத்தியுள்ளது.

பிரபல நடிகர் அர்ஜுனின் உறவினர் சிரஞ்சீவி சார்ஜா நடித்து வரும் கன்னட சினிமாவின் படப்பிடிப்பு பெங்களூரு அருகேவுள்ள பாகலூரு என்ற இடத்தில் நடைபெற்று வந்தது.

அங்குள்ள ஷெல் கேஸ் கம்பெனி அருகே நடைபெற்று வந்த படப்பிடிப்பின் போது ஆக்‌ஷன் காட்சிகள் படமாக்கப்பட்டு வந்தது. அப்போது காரை வெடிக்க வைக்கும் காட்சி எடுக்கப்பட்ட போது எதிர்பாராத விதமாக தீ உருவாக்க வைக்கப்பட்டிருந்த சிலிண்டர் வெடித்தது சிதறியது.

இந்த விபத்தில் படப்பிடிப்பை பார்க்க வந்த சுமைரா என்ற பெண்ணும் அவருடைய 8 வயது பெண் குழந்தையும் சம்பவ இடத்தில் உயிரிழந்தனர். இது தொடர்பான புகார் போலீசாரிடம் தெரிவிக்கப்பட்டது.

சம்பவ இடத்திற்கு விரைந்து வந்த அவர்கள், உடல்களை மீட்டு உடற்கூறு ஆய்வுக்காக அனுப்பி வைத்தனர். மேலும், இந்த விபத்து தொடர்பாக போலீசார் விசாரித்து வருகின்றனர்.