வண்டியை திருப்புங்க; 6 மணி நேரத்திற்கு இந்த வழியா போக முடியாது - பெங்களூரு அப்டேட்!

வரும் 2021ஆம் ஆண்டு ஆங்கிலப் புத்தாண்டு பிறக்க இன்னும் இரண்டு நாட்களுக்கும் குறைவாகவே இருக்கிறது. வழக்கமாக டிசம்பர் 31 மற்றும் ஜனவரி 1 ஆகிய தேதிகளில் புத்தாண்டு கொண்டாட்டங்கள் களைகட்டும். ஆனால் கொரோனா வைரஸ் பாதிப்பால் 2020ன் பெரும்பாலான நாட்கள் பொதுமக்கள் முடங்கிக் கிடந்தனர். தற்போதும் ஊரடங்கு கட்டுப்பாடுகள் தொடர்ந்து அமலில் இருக்கின்றன. இந்நிலையில் புத்தாண்டை ஒட்டி பெங்களூருவின் எம்.ஜி ரோடு மற்றும் பிரிகேட் ரோடு ஆகியவற்றில் டிசம்பர் 31ஆம் தேதி இரவு 6 மணி நேரத்திற்கு வாகனப் போக்குவரத்திற்கு தடை விதிக்கப்படுவதாக மாநகரப் போலீசார் தெரிவித்துள்ளனர்.

அதன்படி டிசம்பர் 31ஆம் தேதி இரவு 8 மணி முதல் ஜனவரி ஒன்றாம் தேதி அதிகாலை 2 மணி வரை மேற்குறிப்பிட்ட இரண்டு சாலைகளில் வாகனங்கள் செல்ல அனுமதி மறுக்கப்பட்டுள்ளது. இதேபோல் பெங்களூருவின் 44 மேம்பாலங்களில் டிசம்பர் 31ஆம் தேதி இரவு 10 மணி முதல் காலை 6 மணி வரை வாகனங்கள் செல்வதற்கு தடை விதிக்கப்பட்டுள்ளது.

இங்கிலாந்து விமானத்தில் வந்த புதிய வைரஸ்; மத்திய அரசு போட்ட பரபரப்பு உத்தரவு!
அதேசமயம் ஆம்புலன்ஸ் உள்ளிட்ட அவசரகால சேவைகளுக்கு தடையில்லை. பெங்களூரு மாநகர காவல் ஆணையர் கமல் பந்த் கூறுகையில், அனில் கும்ளே சர்க்கிள் முதல் ரெசிடென்சி ரோடு ஜங்சன் வரையிலும், பிரிகேட் ரோடு முதல் ஓபரா வரையிலும், சர்ச் ஸ்ட்ரீட், மியூசியம் ரோடு முதல் ஓல்ட் போஸ்ட் ஆபிஸ் ஜங்சன் வரையிலும் வாகனப் போக்குவரத்து தடை விதிக்கப்படுகிறது என்று கூறினார்.

ஜனவரி ஒன்றாம் தேதி பிற்பகல் 4 மணி முதல் அடுத்த நாள் அதிகாலை 2 மணி வரை பார்க்கிங் தடை செய்யப்பட்ட இடங்கள்:

* எம்.ஜி ரோடு, கப்பன் ரோடு, ரெசிடென்சி ரோடு, ரிச்மண்ட் ரோடு, இன்ஃபன்ட்ரி ரோடு, பிரிகேட் ரோடு, சர்ச் ஸ்ட்ரீட், மியூசியம் ரோடு, ரெஸ்ட் ஹவுஸ் ரோடு, செயின்ட் மார்க்ஸ் ரோடு, மெக்ராத் ரோடு, இந்திரா நகர் நூறு அடி ரோடு.

கார்த்திக் சுப்புராஜை ரவுண்டு கட்டி திட்டும் நெட்டிசன்ஸ்: காரணம் ரஜினி
வாகனப் போக்குவரத்து தடை செய்யப்பட்ட மேம்பாலங்கள்:

* ரிச்மண்ட் சர்க்கிள் பாலம், பாலகங்காதர ஸ்வாமி பாலம், நேஷனல் காலேஜ் பாலம், ஹெப்பல் பாலம், ஒசூர் ரோடு எக்ஸ்பிரஸ்வே, பெங்களூரு டெய்ரி பாலம், தேவரபீசனஹள்ளி பாலம், அகரா பாலம், ஐடிசி பாலம், இந்திரா நகர் 17வது மெயின் மற்றும் கோரமங்களா இன்னர் ரிங் ரோடு வரையிலான பாலம்.