ஆப்நகரம்

‘பெட்ரோல் வாங்கினால் பட்டினி இல்லை!’

வாகனங்களுக்காக பெட்ரோல், டீசல் போன்றவற்றை வாங்கும் வசதி படைத்தவர்கள் பசியால் வாடும் ஏழைகள் இல்லை என்று மத்திய அமைச்சர் கே.ஜே.அல்போன்ஸ் கூறியுள்ளது பெரும் சர்ச்சையைக் கிளப்பியுள்ளது.

TOI Contributor 17 Sep 2017, 8:59 am
திருவனந்தபுரம்: வாகனங்களுக்காக பெட்ரோல், டீசல் போன்றவற்றை வாங்கும் வசதி படைத்தவர்கள் பசியால் வாடும் ஏழைகள் இல்லை என்று மத்திய அமைச்சர் கே.ஜே.அல்போன்ஸ் கூறியுள்ளது பெரும் சர்ச்சையைக் கிளப்பியுள்ளது.
Samayam Tamil vehicle owners can afford to pay for fuel union minister alphons
‘பெட்ரோல் வாங்கினால் பட்டினி இல்லை!’


கார், பைக் போன்ற வாகனங்களுக்காக பெட்ரோல், டீசல் வாங்குபவர்கள் பட்டினி கிடைக்கவில்லை. அவர்களிடமிருந்து வசூலிக்கப்படும் வரி உண்மையான ஏழை மக்கள் கண்ணியமான வாழ்க்கையைப் பெறுவதற்குச் செலவிடப்படுகிறது என்று மத்திய பெட்ரோலியத்துறை அமைச்சர் கே.ஜே.அல்போன்ஸ் தெரிவித்துள்ளார். இதற்கு எதிர்கட்சிகளும் சமூக ஆர்வலர்களும் கடும் கண்டனம் தெரிவித்துள்ளனர்.

சரக்குப் போக்குவரத்துக்கு அதிகம் பயன்படுத்தப்படும் கனரக வாகனங்களை இயக்கவும் பெட்ரோல், டீசல் போன்ற எரிபொருட்கள் தேவைப்படுகின்றன என்றும் ஐஏஎஸ் அதிகாரியாக இருந்த ஒருவரே இவ்வாறு பேசுவது அவமானகரமானது என்றும் சமூக வலைத்தளங்களில் எதிர்வினைகள் குவிந்து வருகின்றன.

முன்னாள் பெட்ரோலியத்துறை அமைச்சர் வீரப்ப மொய்லி கூறுகையில், “அல்போன்ஸ் தெரிவித்த கருத்து மிக மோசமானது. மக்களின் அடிப்படை பிரச்னையைக்கூட புரிந்துகொள்ள இவர் எல்லாம் எப்படி அரசியலுக்கு வந்து, அமைச்சர் ஆனார்? மோடி அரசில் பல அமைச்சர்கள் இப்படித்தான் இருக்கிறார்கள்” என்று சாடியுள்ளார்.

அடுத்த செய்தி