Very Severe Cyclone Biparjoy Will Make Landfall In Pakistan
பிபர்ஜாய் புயலால் 'பேரழிவு' யாருக்கு? வானிலையை புரட்டிப்போட போகும் முக்கியமான 3 நாட்கள்!
அரபிக் கடலில் நிலைக்கொண்டுள்ள பிபர்ஜாய் புயல் மிகத் தீவிர புயலாக வலுவடைந்துள்ளது. இந்தப் புயல் அடுத்த 3 நாட்களுக்கு மேலும் தீவிரமடையும் என இந்திய வானிலை மையம் தெரிவித்துள்ளது. இந்நிலையில் பிபர்ஜாய் புயல் எந்தப் பாதையில் செல்லும்? எங்கே கரையை கடக்கும் என்பது குறித்து இப்போது வரை வெளியாகியுள்ள தகவல்...
Samayam Tamil8 Jun 2023, 10:24 am
அரபிக் கடலில் நிலைக்கொண்டுள்ள பிபர்ஜாய் புயல் மிகத் தீவிர புயலாக வலுவடைந்துள்ளது. இந்தப் புயல் அடுத்த 3 நாட்களுக்கு மேலும் தீவிரமடையும் என இந்திய வானிலை மையம் தெரிவித்துள்ளது.
மிகத் தீவிர புயல்
தென்கிழக்கு அரபிக் கடலில் கடந்த வாரம் உருவான காற்றழுத்த தாழ்வுப்பகுதி காற்றழுத்த தாழ்வு மண்டலமாக மாறி பின்னர் புயலாக வலுப்பெற்றது. தற்போது இந்த புயல் மிகத் தீவிர புயலாக வலுவடைந்துள்ளது. இந்த புயல் அடுத்த 3 நாட்களில் மேலும் தீவிரம் அடையும் என இந்திய வானிலை மையம் தெரிவித்துள்ளது. பிபர்ஜாய் புயல் தீவிரமடைந்து வருவதால், மீனவர்கள் மீன்பிடிக்கச் செல்ல வேண்டாம் என எச்சரிக்கை விடுக்கப்பட்டுள்ளது. மிரட்டும் பிபர்ஜாய்.. மிகத் தீவிர புயலாக வலுவடைந்தது!
மோக்கா புயல்
மேற்கு கடற்கரை பகுதிகள் கொந்தளிப்புடன் காணப்படுவதால் கடலோர பகுதிகளுக்கும் எச்சரிக்கை விடுக்கப்படும் என எதிர்பார்க்கப்படுகிறது. 2023ஆம் ஆண்டில் வட இந்திய பெருங்கடலில் உருவாகும் இரண்டாவது புயல் இந்த பிபர்ஜாய் புயல். கடந்த மாதம் வங்கக்கடலில் மோக்கா புயல் உருவானது. இந்த புயல் மியான்மர் மற்றும் வங்கதேசம் இடையே கரையை கடந்தது. லேடி சூப்பர் ஸ்டார் மட்டுமில்ல... விடாமுயற்சிக்கு மறுபெயரும் நயன்தாராதான்!
பாகிஸ்தான்
தற்போது அரபிக் கடலில் உருவாகியுள்ள இந்த புயலும் மோக்கா புயலை போல் இந்தியாவை மிஸ் பண்ணும் என கூறப்படுகிறது. நேற்று கராச்சிக்கு தெற்கே 1,370 கிமீ தொலைவில் பிபர்ஜாய் புயல் நிலை கொண்டிருப்பதாக வானிலை மையம் தெரிவித்திருந்தது. இதனால் பிபர்ஜாய் புயல் பாகிஸ்தானில் கரையை கடக்கும் வாய்ப்பு அதிகமாக இருப்பதாக சொல்லப்படுகிறது. பிபர்ஜாய் புயலால் தமிழகத்தில் வெளுத்து வாங்கப் போகும் கனமழை!
நல்ல மழை
இருப்பினும் இந்தியாவின் மேற்கு கடற்கரை ஓரப் பகுதிகளுக்கு பிபர்ஜாய் புயல் நல்ல மழையை கொடுக்கும் என எதிர்பார்க்கப்படுகிறது. அதேநேரத்தில் மும்பையில் பருவமழையின் வருகையை இந்த பிபர்ஜாய் புயல் பாதிக்கும் என்றும் கூறப்படுகிறது. இந்த புயலின் தாக்கத்தால் தெற்கு தீபகற்பத்திற்கு அப்பால் பலவீனமான முன்னேற்றத்துடன், கேரளாவில் பருவமழை மெதுவாக தொடங்கும் என்று வானிலை ஆய்வு மையம் கூறியுள்ளது.
அடுத்த இரண்டு நாட்களுக்குள் தொடங்குவதற்கு சாதகமான சூழ்நிலை இருப்பதாகவும் இந்திய வானிலை ஆய்வு மையம் தெரிவித்துள்ளது. மிகத் தீவிர புயலாக உள்ள பிபர்ஜாய் புயல் அடுத்த மூன்று நாட்களில் மேலும் தீவிரமடைந்து வடக்கு நோக்கி நகரும் என்று வானிலை மையம் தெரிவித்துள்ளது. தற்போது வரை அரபிக் கடலை ஒட்டிய நாடுகளில் எங்கு புயல் கரையை கடக்கும்? யாருக்கு பேராபத்தை கொடுக்கும் என இந்திய வானிலை மையம் தற்போது வரை உறுதியாக கணித்துக் கூறவில்லை. வதந்திகளை பொடி பொடியாக்கி... கம்பீரமாய் வலம் வரும் மீனா!
முக்கியமான 3 நாட்கள்
இதனால் புயல் செல்லும் பாதையிலும் நகர்விலும் அடுத்த மூன்று நாட்கள் முக்கியமானதாக கருதப்படும். இதனிடையே லட்சத்தீவு, கர்நாடகா, கோவா மற்றும் மகாராஷ்டிராவின் கடலோரப் பகுதிகள் பிபர்ஜாய் புயலின் தாக்கத்தை எதிர்கொள்ளக்கூடும் என்று இந்திய வானிலை மையம் கூறியுள்ளது. இந்த பகுதிகளில் அடுத்த ஐந்து நாட்களுக்கு பலத்த காற்று வீசும் என்றும் வானிலை ஆய்வு மையம் எச்சரிக்கை விடுத்துள்ளது. 7 வயது மகன், தாய் உட்பட 3 பேர் உயிருடன் எரிப்பு... குலை நடுங்க வைக்கும் மணிப்பூர் கலவரம்!
பலத்த காற்று
கர்நாடகா, கோவா மற்றும் மகாராஷ்டிரா கடற்கரை பகுதிகளில் இன்று காற்றின் வேகம் மணிக்கு 115-125 கிலோ மீட்டர் வரையிலும், மாலையில் இருந்து மணிக்கு 140 கிலோமீட்டர் வேகத்திலும் காற்று வீசும் எனவும் வானிலை மையம் கூறியுள்ளது. கடல் கொந்தளிப்புடன் காணப்படுவதால் ஜூன் 14 ஆம் தேதி வரை குஜராத் மீனவர்கள் கடலுக்கு செல்ல வேண்டாம் எனவும் இந்திய வானிலை மையம் எச்சரித்துள்ளது. பஸ்ல டிக்கெட் ரிசர்வ் பண்ணி போற நபரா நீங்க? உங்களுக்கான சூப்பர் அறிவிப்பு... இன்று முதல்!
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.