தேசிய அளவில் இணைக்கப்பட்ட வாக்காளர் தகவல்கள்; இடம்மாறுதல் இனி பிரச்சனையில்லை...!

டெல்லி: நாடு முழுவதும் உள்ள வாக்காளர் விவரங்கள் ஒன்றிணைக்கப்பட்டுள்ளன.

தேர்தல் ஆணையத்தில் ஏற்கனவே இருந்த நடைமுறையின்படி, மாநில அளவில் வாக்காளர் தகவல்கள் ஒருங்கிணைக்கப்பட்டிருந்தன. இதனால் ஒரு தொகுதியில் இருந்து இன்னோரு தொகுதிக்கு இடம்பெயர்வோர், தங்கள் பழைய வாக்காளர் அடையாளத்தை இழந்து விடுவர்.

புதிதாக சென்ற இடத்தில் கிடைத்த வாக்காளர் தகவல்களே பதிவு செய்யப்பட்டு இருக்கும். ஒருவேளை மாநிலம் விட்டு மாநிலம் செல்வோருக்கு, புதிய மாநிலத்தில் வாக்குப்பதிவிற்கு விண்ணப்பித்தாலும், பழைய மாநில உரிமை அழிக்கப்படுவதில்லை.

இதன்மூலம் இருமாநிலங்களிலும் வாக்களிக்கும் முறை காணப்படும். இந்நிலையில் ஈரா நெட் என்ற பெயரில் அனைத்து பெயர்களும் தேசிய அளவில் ஒருங்கிணைக்கப்பட்டுள்ளன. இதையடுத்து வாக்காளர் தகவல்கள் குறித்த குழப்பங்கள் நீங்கிவிடும்.

மாநிலம் விட்டு வேறு மாநிலம் சென்று வசிக்கும் போது, புதிய வாக்காளர் விவரங்கள் கிடைத்தவுடன், தானாகவே பழைய அடையாளங்கள் நீக்கப்பட்டு விடும். இந்த நடைமுறைக்காக தமிழர்களின் விவரங்கள், கடந்த 7ஆம் தேதி சம்பந்தப்பட்ட அதிகாரிகளிடம் ஒப்படைக்கப்பட்டன. இதனை தேர்தல் ஆணைய அதிகாரி ஒருவர் உறுதி செய்துள்ளார்.

Voter details will organise with the whole country.