கண்டிப்பாக காதலிக்க மாட்டோம்... கல்லூரி மாணவிகள் உறுதிமொழி..! வைரல் வீடியோ

காதலர் தினம் ஒவ்வொரு ஆண்டும் பிப்ரவரி 14ம் தேதி உலக அளவில் கொண்டாடப்பட்டு வருகிறது. காதலை வெளிப்படுத்த மற்றும் வெளிப்படுத்திய காதலை கொண்டாட என பலராலும் அன்றைய தினத்தை எதிர்பார்த்து கொண்டிருப்பர்.

காதலர் தினம் இந்தியாவிலும் விமரிசையாக கொண்டாடப்பட்டாலும் சற்று சலசலப்புகள் ஏற்படுவது வழக்கமாக இருக்கிறது. நாட்டில் உள்ள பல்வேறு மாநிலங்களில் மத அமைப்பினர் காதலர் தினத்துக்கு எதிர்ப்பு தெரிவித்து வருவதோடு, போராட்டங்களையும் நடத்தி வருகின்றனர். குறிப்பாக வட மாநிலங்களில் இது தொடர்கதையாகி வருகிறது.


தென் மாநிலத்தை பொறுத்த வரையில் கர்நாடகாவில் காதலர் தினத்தன்று உலா வரும் காதலர்களை வலுக்கட்டாயமாக தாலி கட்ட மிரட்டிய சம்பவங்களெல்லாம் நடந்துள்ளன. இந்த நிலையில் மகாராஷ்டிராவில் உள்ள மகளிர் கல்லூரி மாணவிகளை காதல் திருமணம் செய்ய மாட்டோம் என உறுதி மொழி எடுக்க வைத்துள்ளனர்.

உசேன் போல்ட் சாதனையை இரு நொடியில் துவம்சம் செய்த கிராமத்து வீரர்..!

இப்படியான உறுதிமொழியை காதலர் தினத்தன்று எடுக்க வைத்துள்ளனர். அதன்படி கல்லூரி முதல்வர் கூறுவதை அப்படியே மாணவிகளும், '' நாங்கள் யாரையும் நேசிக்க மாட்டோம், காதலித்து திருமணம் செய்துகொள்ள மாட்டோம் என உறுதி மொழி எடுத்தனர். இந்த வீடியோ தற்போது வைரலாகி வருகிறது.