சுவிஸ் வங்கி கணக்குடன் ஆதார் இணைக்கணுமா?

மத்திய அரசு அடுத்து ஆதார் எண்ணை சுவிஸ் வங்கி கணக்குடன் இணைக்க வேண்டும் என்று சொல்லப்போகிறதா? என்று குஜராத் மாநில படேல் சமூக இட ஒதுக்கீட்டுப் போராளி ஹர்திக் படேல் கேள்வி எழுப்பியுள்ளார்.

குஜராத் மாநில சட்டப்பேரவைத் தேர்தல் டிசம்பர் 9 மற்றும் 14 ஆகிய தேதிகளில் இரண்டு கட்டங்களாக நடைபெற உள்ளது. 182 உறுப்பினர்களை கொண்ட அம்மாநிலத்தில் ஆட்சியை தக்கவைக்க பா.ஜ.க.வும் ஆட்சியை தட்டிப்பறிக்க காங்கிரஸும் போட்டியிடுகின்றன.

இச்சூழலில், அம்மாநிலத்தில் படேல் சமூகத்தினருக்கு இட ஒதுக்கீடு கேட்டு போராட்டம் நடத்தி பெரும் வரவேற்பைப் பெற்ற இளைஞர் ஹர்திக் படேலின் ஆதரவு யாருக்கு என்பது முக்கியத்துவம் வாய்ந்ததாக கருதப்படுகிறது. இச்சூழலில் வரும் தேர்தலில் காங்கிரஸ் கட்சியை ஆதரிக்கப்போவதாக அவர் தெரிவித்தார்.

இந்நிலையில், ஹர்திக் படேல் தனது ட்விட்டர் பதிவு ஒன்றில் மத்திய அரசு அடுத்து ஆதார் எண்ணை சுவிஸ் வங்கி கணக்குடன் இணைக்க வேண்டும் என்று சொல்லப்போகிறதா? என்று கேள்வி எழுப்பியுள்ளார்.