இந்தியாவில் எந்தெந்த நகரங்களில் காற்று மாசுபாடு மிகக் குறைவு; டாப் 10 லிஸ்ட் இதோ!

தொழிற்சாலைகளும், அதிநவீன சாதனங்களும், வாகனங்களும் அதிகரித்து வருவதன் விளைவாக காற்று மாசுபாடும் அதிகரிக்கிறது. 21ஆம் நூற்றாண்டில் நாம் சந்திக்கும் மிகப்பெரிய சவால்களில் இதுவும் ஒன்று. இது பொதுமக்களின் ஆரோக்கியத்தில் பெரும் பாதிப்பை ஏற்படுத்துகிறது. மேலும் சுற்றுச்சூழல், காலநிலை போன்றவற்றிலும் மாற்றத்தை உண்டாக்குகிறது. இது பூமியின் வாழும் லட்சக்கணக்கான உயிர்களுக்கு அச்சுறுத்தலாக உள்ளது. எனவே வருங்காலத்தைக் கருத்தில் கொண்டு காற்று மாசுபாடு ஏற்படாத வண்ணம் பார்த்துக் கொள்வது நல்லது.

உலக காற்று தர அறிக்கையில், கடந்த 2019ஆம் ஆண்டில் இந்தியாவில் மாசுபாடு தொடர்பான தகவல்கள் இடம்பெற்றுள்ளன. உலகில் மிகவும் மோசமாக காற்று மாசுபாடு ஏற்பட்டுள்ள 30 நகரங்களில் இந்தியாவில் மட்டும் 21 நகரங்கள் அடங்கும். அவற்றில் காஸியாபாத், டெல்லி, லக்னோ உள்ளிட்ட நகரங்கள் இருக்கின்றன. அதேசமயம் இந்தியாவில் மிகவும் குறைவான காற்று மாசுபாடு கொண்ட நகரங்கள் என்னென்ன என்று இங்கே காணலாம்.

26 ஆண்டுகளில் இல்லாத ஷாக்; தாக்குப் பிடிக்குமா டெல்லி?


மோசமடையும் வட இந்தியா

விரைவில் குளிர் காலம் வரவுள்ளதை அடுத்து, வட இந்தியாவில் காற்று மாசுபாடு மிகவும் மோசமடைந்து வருகிறது. குறிப்பாக டெல்லியில் கடந்த வியாழன் அன்று மிகவும் ஆபத்தான நிலைக்கு காற்று மாசுபாடு சென்றது. இங்கு PM2.5 மாசுபாட்டில் 36 சதவீதம் ஏற்றம் கண்டுள்ளது.

இந்த காற்று மாசுபாட்டைத் தவிர்ப்பதற்காக மத்திய அரசு பல்வேறு நடவடிக்கைகளை எடுத்து வருகிறது. அதாவது EPCA எனப்படும் சுற்றுச்சூழல் மாசுபாடு ஆணையம் கலைக்கப்பட்டு அதிகாரமிக்க 18 நபர் கொண்ட ஆணையம் அமைக்கப்பட்டுள்ளது.