Yeddyurappa oath taking live: பதவி ஏற்றார் எடியூரப்பா

நான்காவது முறையாக கர்நாடகா முதல்வராகப் பதவி ஏற்றார் எடியூரப்பா. கட்சித் தொண்டர்கள் ஆரவாரம் விண்ணைப் பிளந்தது. ஆளுநர் வாஜுபாய் வாலா பதவிப் பிரமாணம் செய்து வைத்தார்.

என்னுடைய எதிர்கால ஆட்சி காலத்தில் அரசியல் பழிவாங்கல் தன்மை சிறிதளவும் இருக்காது என எடியூரப்பா உறுதி அளித்தார். முன்னதாக எடியூரப்பா காடு மல்லேஸ்வர கோவிலில் கடவுள் வழிபாடு செய்தார். கட்சியின் முக்கியஸ்தர்களான மாளவிகா அவினாஷ் உள்ளிட்ட பலர் பதவி ஏற்பு விழாவில் கலந்துகொண்டனர்.


எடியூரப்பா பதவி ஏற்புக்கு கர்நாடக காங்கிரஸ் தலைவர்களுக்கு அழைப்பு விடுக்கப்பட்டு இருந்தது. இவர்கள் நிகழ்ச்சியில் பங்குகொள்ளவில்லை.
இன்று அமைச்சர்கள் யாரும் பதவி ஏற்கவில்லை. புளோர் டெஸ்டுக்குப் பின்னரே அமைச்சர்கள் பதவி ஏற்பார்கள் எனத் தகவல் வெளியாகி உள்ளது.

மக்களை ஏமாற்றுவதற்கு பதிலாக ஓபிஎஸ், ஈபிஎஸ் பாஜக-வில் சேரலாம்- ஸ்டாலின் விமர்சனம்!