ஆப்கனில் பயணிகள் பேருந்தும், டேங்கர் லாரியும் மோதல்: 36 பேர் பலி

காபூல்: ஆப்கனில் இன்று டேங்கர் லாரியுடன் பயணிகள் பேருந்து நேருக்கு நேர் மோதிய விபத்தில் 36 பேர் உயிரிழந்தனர்.

ஆப்கானிஸ்தான் நாட்டின் கந்தஹார் நகரில் இருந்து காபூல் நோக்கி பயணிகள் பேருந்து சென்று கொண்டிருந்தது. அப்போது சாபுல் மாகாணம் அருகே எதிர்திசையில் வேகமாக வந்த பெட்ரோல் டேங்கர் லாரி கட்டுப்பாட்டை இழந்து பேருந்தின் மீது மோதியது.
#BREAKING Bus, fuel tanker collision kills 35 in Afghanistan's southern province of Zabul: officials— AFP news agency (@AFP) September 4, 2016
இந்த விபத்தில் 36 பேர் சம்பவ இடத்திலேயே உயிரிழந்தனர். படுகாயமடைந்த 20-க்கும் மேற்பட்டோர் அருகில் உள்ள மருத்துவமனைகளில் சிகிச்சைக்காக அனுமதிக்கப்பட்டுள்ளனர்.