நீச்சல் குளத்துக்குள் பாய்ந்த கார் : வேற எங்க... அமெரிக்காவுல தான்!!

அமெரிக்காவின் புளோரிடா மாகாணத்தில் வெஸ்ட் பாம் பீச் எனும் கடற்கரை நகரம் அமைந்துள்ளது. இந்த நகரின் இயற்கை அழகை ரசிக்கவும், கடற்கரையில் நேரத்தை செலவிடவும் அதிக அளவில் சுற்றுலாப் பயணிகள் இங்கு வருகை தருகின்றனர். சுற்றுலா இடம் என்பதால், நட்சத்திர விடுதிகளும் இங்கு பிரபலம்.

இந்த நிலையில், பாம் பீச் நகரில் உள்ள ஒரு நட்சத்திர விடுதியில் உள்ள நீச்சல் குளத்திற்குள் கார் ஒன்று பாய்ந்த சுவாரஸ்மான சம்பவம் நிகழ்ந்துள்ளது.

வார விடுமுறை என்பதால் நேற்று (ஞாயிற்றுக்கிழமை) நட்சத்திர விடுதியில் வழக்கத்தைவிட கூட்டம் சற்று அதிகமாக இருந்துள்ளது.

கையைப் புடிச்ச இளம்பெண்... கடுப்பான போப்!!

அப்போது விடுதியிலிருந்து வெளியே செல்வதற்காக கார் நிறுத்துமிடத்தில் இருந்து இரு பயணிகளை ஏற்றிக்கொண்டு டிரைவர் தனது காரை எடுத்துள்ளார்.

அப்போது அவர் கவனக் குறைவாக வாகனத்தை முன்னோக்கி செலுத்துவதற்கு பதிலாக பின்னோக்கி செலுத்தியுள்ளார். இதனால் அருகிலிருந்த நீச்சல் குளத்திற்குள் கார் பாய்ந்து, தண்ணீரில் மூழ்கியது.

இருப்பினும், கெட்ட நேரத்திலும் ஒரு நல்ல நேரம் என்பார்களே... அப்படி, கார் தலைகீழாக கவிழாமல் நேராக நீச்சல் குளத்துக்குள் விழுந்துள்ளது.

அமெரிக்க நூலக இணையதளத்தில் ஈரான் ஹேக்கர்கள் சேட்டை

இதனால் அதிலிருந்த இரு பயணிகள், டிரைவர் ஆகியோர் எவ்வித காயமுமின்றி குளத்திலிருந்து வெளியே வந்தனர். நீச்சல் குளத்துக்குள் கார் மூழ்கிய புகைப்படம் தற்போது சமூக வலைதளங்களில் வைரலாகி வருகிறது.