தாய்லாந்தில் 200 பேருக்கு ஜிகா வைரஸ் பாதிப்பு: சுகாதாரத்துறை அமைச்சகம்

பாங்காக்: தாய்லாந்தில் 200 பேருக்கு ஜிகா வைரஸ் பாதிக்கப்பட்டிருப்பதாக அந்நாட்டு சுகாதாரத்துறை அமைச்சகம் தெரிவித்துள்ளது.

தாய்லாந்தில் ஜிகா வைரசால் ஏராளமானோர் பாதிக்கப்பட்டுள்ளனர். மருத்துவமனைகளில் அவர்களுக்கு தீவிர சிகிச்சை அளிக்கப்பட்டு வருகிறது. இந்நிலையில் ஜிகா வைரஸ் பாதிப்பு குறித்து, அந்நாட்டு அரசு முதல் முறையாக தகவல் வெளியிட்டுள்ளது.

அதில், இதுவரை 200 பேர் ஜிகா வைரசால் பாதிக்கப்பட்டுள்ளதாக கூறப்பட்டுள்ளது. ஒரு வாரத்திற்கு சராசரியாக 20 பேருக்கு ஜிகா வைரஸ் இருப்பது உறுதி செய்யப்பட்டு வருவதாக குறிப்பிடப்பட்டுள்ளது. கடந்த ஆகஸ்ட் மாதம் 27-ஆம் தேதி சிங்கப்பூரில் முதன்முறையாக ஜிகா வைரஸ் தொற்று இருப்பது கண்டறியப்பட்டது.

இதுவரை சுமார் 300 பேர் சிங்கப்பூர் நாட்டில் ஜிகா வைரஸால் பாதிக்கப்பட்டுள்ளனர்.மலேசியா மற்றும் பிலிப்பைன்ஸ் நாடுகளும் ஜிகா வைரஸ் தொற்றால் அதிக அளவில் பாதிக்கப்பட்டுள்ளன.