எந்த ஊர்?
அலாஸ்கா மாகாணத்தில் உத்கியாக்விக் (utqiagvik) என்ற சிறு நகரம் ஆர்டிக் வட்டத்திற்குள் இருக்கிறது. இந்த நகரம் முன்பு பேரோ என்று அழைக்கப்பட்டது. ஒவ்வொரு ஆண்டும் குளிர்காலத்தில் உத்கியாக்விக் நகரில் சூரியன் உதிப்பதில்லை.
காரணம் என்ன?
உத்கியாக்விக் நகரில் நவம்பர் 19ஆம் தேதி கடைசியாக சூரியன் உதித்து மறைந்தது. இதன்பின் அடுத்த 60 நாட்களுக்கு இங்கு சூரியன் உதிக்காது. ஏனெனில், பூமியின் அச்சு சாய்ந்துள்ளதால் சூரிய வெளிச்சம் இப்பகுதியில் படாது. ஒவ்வொரு ஆண்டும் இந்த சூழல் உத்கியாக்விக் நகரில் உருவாகும்.
முழுவதும் இருட்டிவிடுமா?
சூரியன் இரண்டு மாதங்களுக்கு உதிக்காவிட்டாலும், தெரு விளக்குகள், பொது இடங்களில் இருக்கும் விளக்குகள், வீடுகளில் இருக்கும் விளக்குகளால் பொதுமக்களுக்கு தேவையான வெளிச்சம் கிடைக்கும்.
மீண்டும் எப்போது சூரியன் உதிக்கும்?
அடுத்த இரண்டு மாதங்களுக்கு இருட்டை மட்டுமே மக்கள் சமாளிக்க வேண்டும். 2021ஆம் ஆண்டு ஜனவரி 22ஆம் தேதியன்று சூரியன் மீண்டும் உதிக்கும்.