H1-B விசாவுக்கு கிடுக்கு பிடி : இந்தியர்களுக்கு செக் வைக்கும் அமெரிக்கா!

அமெரிக்காவில் தங்கி பணியாற்ற வேண்டும் என்றால் H1-B. அமெரிக்க குடியமர்வு மற்றும் குடியமர்வு சேவை மையங்கள் இதற்கான விண்ணப்பங்களை வழங்கி வருகிறது. இந்த H1-B விசா முழுக்க தொழில்சார்ந்து மட்டுமே இந்த விசா வழங்கப்படுகிறது.

H1-B விசா வைத்திருப்பவர்கள் 3 ஆண்டுகள் வரையில் அமெரிக்காவில் தங்கி பணிபுரியலாம். மேலும், 3 ஆண்டுகள் நீட்டிப்பு செய்துகொண்டு மொத்தம் 6 ஆண்டுகள வரையில் அமெரிக்காவில் தங்க முடியும். இந்த விசா நடைமுறையை பெருமளவில் தகவல் தொழில்நுட்ப நிறுவனங்களே அதிகம் பயன்படுத்தி வருகின்றனர். ஒவ்வொரு ஆண்டும் அமெரிக்கா 65,000 விசாக்கள் வழங்கி வருகிறது.

ஒவ்வொரு ஆண்டும் மற்ற நாடுகளில் இருந்து, குறிப்பாக இந்தியா மற்றும் சீனா ஆகிய நாடுகளில் இருந்து ஊழியர்களை தங்கள் நிறுவனத்தில் பணியமர்த்த, அமெரிக்காவில் உள்ள தகவல் தொழில்நுட்ப கம்பெனிகள் இந்த H1-B விசா பெற்றவர்களைத்தான் நம்பி இருக்கின்றன.

இந்நிலையில், இந்திய அமெரிக்க இடையிலான வர்த்தக போக்குவரத்து மந்தமடைந்துள்ளது. அமெரிக்க பொருட்களுக்கு இந்தியா வர்த்தக வரியை அதிகப்படுத்தியதைத் தொடர்ந்து, இந்தியாவை வர்த்தக நாடுகளின் பட்டியலில் இருந்து அமெரிக்கா நீக்கியுள்ளது. மேலும், இந்தியர்களுக்கு விசா வழங்கும் நடைமுறையை அமெரிக்க அரசு கட்டுப்பாடுகளை விதித்துள்ளது.

அமெரிக்கா வழங்கும் H1-B விசா, அதிகம் பெற்று வரும் நாடுகள் பட்டியலில் இந்தியா முதலிடத்தில் உள்ளது. இந்நிலையில், கடந்த ஆண்டில் மட்டும் H1-B விசா பெறுவோர் எண்ணிக்கை 10 சதவீதம் சரிந்துள்ளது. மேலும் 5 சதவீதம் குறைக்கவும், மற்ற நாடுகளுக்கு விசா வழங்கும் முறையிலும் மாற்றத்தை கொண்டு வர அமெரிக்க அரசு முடிவு செய்துள்ளது.

அமெரிக்காவின் இந்த நடைமுறைகள் அமலுக்கு வந்தால் இந்திய ஐடி ஊழியர்கள் பெரிதும் பாதிக்கப்படுவர். அமெரிக்க அரசு இந்தியர்களை குறிவைத்து மறைமுகமாக இத்தகைய நடவடிக்கைகளை எடுத்து வருவது குறிப்பிடத்தக்கது .