டிரம்புக்கு எதிராக கூட்டு சேர்ந்த கூகுள், பேஸ்புக், ஆப்பிள் நிறுவனங்கள்

விசா வழங்குவது தொடர்பாக அமெரிக்க அதிபர் டிரம்ப் பிறப்பித்த உத்தரவை எதிர்த்து அந்நாட்டை சேர்ந்த பல பெரு நிறுவனங்கள் வழக்கு தொடர்ந்துள்ளன.

டிரம்பின் உத்தரவால் அமெரிக்க நிறுவனங்களில் பணிபுரியும் வெளிநாட்டினர் அமெரிக்கா செல்ல விசா பெறுவதில் சிக்கல் ஏற்பட்டுள்ளது. இந்த பிரச்னையால் ஆப்பிள்,கூகுள், பேஸ்புக், டுவிட்டர், உள்ளிட்ட பல நிறுவங்கள் அதிபரின் உத்தரவை எதிர்த்து அந்நாட்டு நீதிமன்றத்தில் முறையிட்டுள்ளனர்.

கிட்டத்தட்ட 50 வருடங்களாக இருந்த குடியேற்றம் அமைப்பு சட்டத்தை ஒரே சட்டத்தால் மாற்றியது தவறு. இதனால் அமெரிக்க நிறுவனங்கள் பலத்த நஷ்டத்தை சந்திக்க நேரிடும் என அந்நாட்டு நிறுவனங்கள் குறிப்பிட்டுள்ளது. அதோடு முந்தைய குடியேற்ற வழக்கத்தையே மீண்டும் தொடர வேண்டும் என கோரிக்கை எழுந்துள்ளது.

டிரம்பின் புதிய விசா கொள்கைக்கு எதிராக 100க்கும் மேற்பட்ட வழக்கு தொடரப்பட்டுள்ளது.