வைரலாகும் குட்டி இளவரசரின் படங்கள்

இளவரசர் ஹாரி- மேகன் தம்பதிக்குப் பிறந்துள்ள குட்டி இளவரசரின் புகைப்படங்கள் வெளியாகியுள்ளன. அவரது படங்கள் இணையத்தில் வைரலாகி வருகின்றன.

ஹாரிக்கும் அமெரிக்க நடிகை மேகன் மார்க்கிள் கடந்த ஆண்டு மே மாதம் திருமணம் நடைபெற்றது. இளவரசி மேகனுக்கு நேற்று பிரசவ வலி ஏற்பட்டதை அடுத்து மருத்துவமனையில் அனுமதிக்கப்பட்டார்.

இந்நிலையில், நேற்று அவருக்கு ஆண் குழந்தை பிறந்துள்ளது. இளவரசருக்கு ஆண் குழந்தை பிறந்த செய்தியை பக்கிங்ஹாம் அரண்மனை அறிவித்ததோடு, குழந்தை 7 பவுண்டுகள் மற்றும் 3 அவுன்ஸ் அளவு எடை உள்ளதாக இருப்பதாகவும் குறிப்பிட்டுள்ளது.

அதாவது 3.2 கிலோ எடை. தாயும், சேயும் நலமாக இருப்பதாக அந்த தகவல் மேலும் தெரிவிக்கிறது. குழந்தைக்கு இன்னும் பெயர் சூட்டப்படவில்லை என்று தெரிகிறது. லண்டனில் உள்ள BT டவரில், இளவரசருக்கு ஆண் குழந்தை பிறந்திருப்பதற்கு வாழ்த்து தெரிவிக்கும் வாசகங்கள் இடம்பெற்றிருந்தன. இளவரசர் பிறந்திருப்பதை லண்டன் வாசிகள் கொண்டாடி மகிழ்ந்தனர்.

இந்நிலையில் குட்டி இளவரசரின் புகைப்படங்கள் வெளியாகியுள்ளன. அவரது படங்கள் இணையத்தில் வைரலாகி வருகின்றன.