'உற்சாக பானம்' குடித்தால் மண்டையில் ஓட்டை விழும்!

தொடர்ந்து எனர்ஜி டிங்க் எனப்படும் உற்சாக பானங்களை குடித்ததால் தன் கணவருக்கு தலையில் ஓட்டி விழுந்துவிட்டதாக பெண் ஒருவர் அதிர்ச்சி அளிக்கும் தகவலைக் கூறியுள்ளார்.

பிரியன்னா என்ற பெண் பேஸ்புக்கில் உள்ள புகைப்படப் பக்கம் ஒன்றில் தன் கணவரும் தானும் இருக்கும் புகைப்படம் ஒன்றுடன் மனதை உறையச் செய்யும் கதை ஒன்றைக் கூறினார். பின்னர் அந்த பதிவை அவரே டெலிட் செய்திருக்கிறார்.

அவரது பதிவில் இருந்த புகைப்படத்தில் அவரது கணவர் ஆஸ்டின் தலையில் மிகப்பெரிய பள்ளத்துடன் இருக்கிறார். அது எப்படி ஏற்பட்டது என்பதைத்தான் தன் பதிவில் எழுதியுள்ளார் பிரியன்னா.

ஆஸ்டின் அதிக நேரம் வேலை பார்க்கத் தொடங்கியதால், பணியில் புத்துணர்ச்சிக்காக உற்சாக பானங்களை (Energy Drinks) அடிக்கடி குடிக்கத் தொடங்கினார். இதனால், அவருக்கு brain haemorrhage என்ற நோய் ஏற்பட்டு மண்டை ஓட்டில் துறை ஏற்பட்டுள்ளது. பல அறுவை சிகிச்சைகள் மேற்கொண்ட பின் அவர் உயிர் பிழைத்துள்ளார்.

பிரியன்னா ஆஸ்டின் மருத்துவமனையில் அனுமதிக்கப்பட்டதை அறிந்த போது கருவுற்றிருந்தார். தங்கள் குழந்தை பிறக்கும் சமயத்தில் கணவருக்கு இவ்வாறு நேர்ந்ததை எண்ணி பெரும் கவலையில் ஆழ்ந்தார். அறுவை சிகிச்சைகளுக்குப் பின், ஆஸ்டின் உயிர் பிழைத்து வந்தபோது பிரியன்னாவும் குழந்தையை ஈன்றிருக்கிறார்.