காற்று மாசுபடுதலை தவிர்க்க கேபிள் கார் வசதி; வாங்க இனி பறந்து ஆபிஸ் போகலாம்!

சுற்றுச்சூழல் மாசுபாடு, பருவநிலை மாற்றம் ஆகியவற்றால் உலகம் பேரழிவைச் சந்தித்துக் கொண்டிருக்கிறது. இதனைக் கட்டுப்படுத்த பல்வேறு நாடுகளும் தீவிர முயற்சி மேற்கொண்டு வருகின்றன.

இந்நிலையில் பொலிவியா நாடு புது முயற்சியில் இறங்கியுள்ளது. அந்நாட்டின் தலைநகரான லா பாஸின் மாசுபாடு தொடர்ந்து அதிகரித்து வருகிறது. இதற்கு வாகனப் பெருக்கம் முக்கிய காரணமாக விளங்குகிறது.

எனவே பொதுமக்களின் வசதிக்காக ‘கேபிள் கார்’களைப் பயன்படுத்த திட்டமிட்டுள்ளது. ஏற்கனவே கேபிள் கார்கள் பயன்பாட்டில் உள்ள நிலையில், தற்போது எண்ணிக்கையை அதிகப்படுத்த முடிவு செய்துள்ளது.

இந்த முறையில் மின்சாரம் மட்டுமே தேவைப்படுவதால், எந்தவித கழிவுகளும் வெளியேறுவதில்லை. எனவே பள்ளி, கல்லூரிகள், வேலைக்கு செல்வோர் கேபிள் கார்களை பெருமளவில் பயன்படுத்த அறிவுறுத்தப்பட்டுள்ளது.

மேலும் தனியார் வாகனப் பயன்பாட்டை குறைத்துக் கொள்ளுமாறும் வலியுறுத்தப் பட்டுள்ளது. பொதுத்துறை வாகனங்களை அதிக அளவில் பயன்படுத்தக் கோரிக்கை விடுக்கப்பட்டுள்ளது. இதனால் சாலைப் போக்குவரத்து குறையும். அதோடு மாசுபாடும் குறையும் என அரசு தெரிவித்துள்ளது.