பத்து மாதம் வயிற்றில் கருவைச் சுமந்து குழந்தை பெற்ற ஆண்!

பிரிட்டனைச் சேர்ந்த ஆண் ஒருவர் தனது வயிற்றில் கருவைச் சுமந்து பெண் குழந்தையை பெற்றெடுத்துள்ளார்.

பிரிட்டனைச் சேர்ந்த ஹைடன் கிராஸ் சில மாதங்களுக்கு முன்பாக தான் கருவுற்றிருப்பதாக அறிவித்தார். 21 வயது ஆணான அவர் விந்தணு கொடையாளர் ஒருவர் மூலம் தான் கர்ப்பம் தரித்திருப்பதாகக் கூறியிருந்தார்.

ஆண் கர்ப்பம் தரித்திருப்பதாகக் கூறியது உலகமும் முழுவதும் பரவி பரபரப்பை கிளப்பியது. இப்போது, அவர் அறுவை சிகிச்ச மூலம் பெண் குழந்தையப் ஈன்றிருப்பதாக அந்நாட்டு செய்தி ஊடகம் ஒன்றில் கூறியுள்ளார். குழந்தை ஜூன் 16ஆம் தேதி பிறந்ததாவும் என்றும் ட்ரினிட்டி லைய்க் என்று பெயரிட்டிருப்பதாகவும் அவர் தெரிவித்துள்ளார்.

கடந்த மூன்று ஆண்டுகளுக்கு முன்பு வரை பெண்ணாக இருந்த கிராஸ் ஹார்மோன் மாற்று அறுவை சிகிச்சை செய்துகொண்டு ஆணாக வாழ்ந்து வருகிறார்.

சாதாரணமாக அந்நாட்டில் ஹார்மோன் மாற்று அறுவை சிகிச்சை செய்ய ஒரு நபருக்கு 29 ஆயிரம் பவுண்டு தேவை என்பது குறிப்பிடத்தக்கது.