சிறைவளாகத்திலேயே உணவகம்..!நடிகையின் அசத்தல் ஐடியா..!

கொலம்பியாவில் உள்ள மகளிர் மத்திய சிறையில், கைதிகளுக்கு மறுவாழ்வு அளிக்கும் வகையில், சிறையின் வளாகத்திலேயே உணவகம் தொடங்கியுள்ளது ஆச்சரியத்தை ஏற்படுத்தியுள்

கொலம்பியா நாட்டின் கார்டாஜெனாவில் மத்திய மகளிர் சிறைச்சாலை ஒன்று உள்ளது. இந்த சிறையில் தான் கைதிகளுக்கு மறுவாழ்வு அளிக்கும் வகையில் சிறையின் வளாகத்திலேயே உணவகம் தொடங்கப்பட்டுள்ளது. ஆர்வமுள்ள பல பெண் கைதிகள் இங்கு சமையல் கலையை பயின்று வருவதுடன், உணவும் பரிமாறும் பணியையும் செய்கின்றனர். தொலைக்காட்சி நடிகையான ஜோஹனா பஹாமோன், ’மாற்று சிறை நடவடிக்கை’ என்னும் பெயரில் அறக்கட்டளை ஆரம்பித்து அதன் மூலம் இந்த சேவையை புரிந்து வருகிறார்.

இத்தாலியின் பிரபல் சமையல் கலைஞர் தான் இந்த உணவகத்தில் தலைமை சமையல் நிபுணராக உள்ளார். சிறை வாழ்க்கையிலிருந்து மீண்டு வர நினைக்கும் பெண்கள் இவரிடம் ஆர்வத்துடன் சமையல் கலையை பயின்று வருகின்றனர்.

இந்த சிறை உணவகம் மட்டுமல்லாமது கொலம்பியாவிலுள்ள 25 சிறைகளிலும் உள்ள கைதிகளின் மறுவாழ்வுக்காக நடிகை, ஜோஹனா பஹாமோன் அறக்கட்டளை சார்பில், சமையல் கலைக்கான பயிற்சி பட்டறைகள் நடத்தப்பட்டு வருகின்றன. இதன் மூலம் சுமார் 4000 கைதிகள் பயனடைந்திருப்பதைக் கண்ட சர்வதேச அமைப்புகளும், பஹாமோனின் அறக்கட்டளைக்கு உதவிக்கரம் நீட்ட முன்வந்துள்ளனர்.

Columbia women prisoner hotel.