ட்ரம்ப் புகழ்ந்து தள்ளும் நாய்! என்ன சாகசம் செய்தது தெரியுமா?

சிரியாவில் பதுங்கியிருந்த ஐஎஸ் பயங்கரவாத அமைப்பின் முன்னாள் தலைவர் அபு பக்கர் அல் பாக்தாதியை அமெரிக்க ராணுவம் சுற்றி வளைத்தது. அப்போது ஒரு குகைக்குள் ஓடி தப்ப முயன்ற பாக்தாதி, வெளியேறும் வழியில்லாமல் மாட்டிக்கொண்டார். இதனால் தன்னிடம் இருந்த வெடிகுண்டை வெடிக்கச் செய்து தற்கொலை செய்துகொண்டார்.

அமெரிக்கப் படையின் இந்த முற்றுகையில் பயன்படுத்தப்பட்ட மோப்ப நாய் கோனன். இந்த நாய் பாக்தாதியை பிடிக்கும் முயற்சியின்போது, மின்கம்பிகளில் அடிபட்டது. சிகிச்சைக்குப் பின் பூரண குணமடைந்துள்ள இந்த நாய், திங்கட்கிழமை உலகிற்கு அறிமுகம் செய்யப்பட்டது.

அமெரிக்க அதிபர் டொனால்ட் ட்ரம்ப் கோனனை அறிமுகப்படுத்திப் பேசியபோது, கோனன் ராணுவத்துடன் இணைந்து அற்புதமான செயலைச் செய்திருக்கிறது என்றார். மேலும், கோனன் ஒரு அசாத்திய திறமை கொண்ட நாய் என்றும் யாரும் கோனனுடன் மோத முடியாது என்றும் பாராட்டினார்.

புத்திசாலித்தனமும் சறுசுறுப்பும் கொண்டது எனவும் எனக்கு இந்த நாயை பிடித்திருக்கிறது எனவும் கூறிய ட்ரம்ப், கோனனுக்கு பதக்கம் அளித்து கௌரவித்தார்.