அமெரிக்காவில் நவம்பர் 3ஆம் தேதியன்று அதிபர் தேர்தல் நடைபெறவிருக்கிறது. இதில் ரிபப்ளிகன் கட்சி சார்பில் தற்போதைய அதிபர் டொனால்ட் ட்ரம்ப் மீண்டும் போட்டியிடுகிறார். அவரை எதிர்த்து டெமாக்ட்ரடிக் கட்சி சார்பில் முன்னாள் துணை அதிபர் ஜோ பைடன் போட்டியிடுகிறார்.

டெமாக்ரடிக் கட்சியின் துணை அதிபர் வேட்பாளராக கமலா ஹாரிஸ் போட்டியிடுகிறார். இவரது தாயார் தமிழகத்தை சேர்ந்தவர் என்பது குறிப்பிடத்தக்கது.

ட்ரம்ப் சொல்லும் தடுப்பூசி வேண்டாம் : அடம்பிடிக்கும் கமலா

நேற்று முன் தினம் (அக் 7) துணை அதிபர் வேட்பாளர்களின் நேரடி விவாதம் நடைபெற்றது. இதில் கமலா ஹாரிஸு, மைக் பென்ஸும் பங்கேற்றனர். மிகவும் விறுவிறுப்பாக நடைபெற்ற இந்த விவாதத்தை 5 கோடிக்கும் மேற்பட்டவர்கள் நேரலையில் பார்த்ததாக தகவல் வெளியாகியுள்ளது.

இந்நிலையில், தேர்தலில் ஜோ பைடன் வெற்றிபெற்றால் ஒரே மாதத்தில் கமலா ஹாரிஸ் அதிபராக பதவியேற்றுவிடுவார் என்று டொனால்ட் ட்ரம்ப் தெரிவித்துள்ளார். இதுகுறித்து ட்ரம்ப் பேசியபோது, “நேற்று நடைபெற்றது ஒரு விவாதமே இல்லை என்று நினைக்கிறேன். கமலாவுக்கு விவாதிக்க தெரியவில்லை.

இதைவிட மோசமாக யாரும் விவாதிக்க முடியாது. கமலா ஒரு கம்யூனிஸ்ட். நமக்கு ஒரு கம்யூனிஸ்ட் அதிபராக வருவதா? ஜோ பைடன் இரண்டு மாதங்கள் கூட அதிபராக இருக்கமாட்டார்.

கமலாவின் கருத்துகளை பாருங்கள். எல்லைகளை திறந்துவிட்டு கொலைகாரர்களையும், பாலியல் வன்புணர்வு செய்பவர்களையும் நமது நாட்டிற்குள் அனுமதிக்க வேண்டும் என்று கமலா ஹாரிஸ் விரும்புகிறார்” என்று தெரிவித்துள்ளார்.