சம்பளத் தொகையை தானம் செய்கிறார் அமெரிக்க அதிபர் டிரம்ப்!

தனக்கு வழங்கப்படும் சம்பளத் தொகையை, ஆண்டின் இறுதியில் தானம் செய்யப் போவதாக, அமெரிக்க அதிபர் டிரம்ப் தெரிவித்துள்ளார்.

இதற்கான அறிவிப்பை, அதிபரின் செய்தித்தொடர்பாளர் சீன் ஸ்பைசர் வெளியிட்டுள்ளார்.

‘’அதிபர் டிரம்புக்கு ஆண்டு ஊதியமாக, 4 லட்சம் அமெரிக்க டாலர்கள் வழங்கப்பட உள்ளது. இந்த தொகை முழுவதையும் ஏதேனும் தொண்டு நிறுவனம் அல்லது அறக்கட்டளை பணிகளுக்கு அவர் தானம் செய்ய முன்வந்துள்ளார். ஊடகங்கள் தன்னைப் பற்றி விமர்சிக்காமல், இந்த தொகையை யாருக்குக் கொடுத்து உதவலாம் என யோசனை தெரிவிக்க வேண்டும் எனவும் அதிபர் கேட்டுக் கொண்டுள்ளார்,’’ என, அதிபரின் செய்தித் தொடர்பாளர் சீன் ஸ்பைசர் குறிப்பிட்டுள்ளார்.

அதிபர் தேர்தலில் போட்டியிட்ட நாள் முதலாகவே, தனக்கு சம்பளம் எதுவும் வேண்டாம் என்றும், ஒரு டாலர் சம்பளம் கிடைத்தாலே போதும் என்றும் டிரம்ப் கூறிவந்தார். அதனையே தற்போது அதிபராக பதவியேற்றதும் செயல்படுத்த முன்வந்துள்ளார்.

டிரம்புக்கு முன்பாக, அமெரிக்க வரலாற்றில் ஏற்கனவே ஜான் எஃப் கென்னடி, ஹெர்பர்ட் ஹூவர் போன்றோர் அதிபர் பதவிக்கான சம்பளத்தை தானம் செய்த நபர்கள் என்பது குறிப்பிடத்தக்கது.

Donald Trump will donate his annual presidential salary of $400,000 to charity by year's end, spokesman Sean Spicer said and he even wants the media he often criticizes to help him choose a worthwhile cause.