விண்வெளி வீரர்களுக்கு டோனட் வடிவ பனிவீடுகள்: செவ்வாய் கிரகத்தில் நாசாவின் திட்டம்

நியூயார்க்: செவ்வாய் கிரகத்திற்கு செல்லும் விண்வெளி வீரர்கள் தங்குவதற்கு, டோனட் வடிவ பனிவீடுகள் அமைக்க நாசா திட்டமிட்டுள்ளது.

செவ்வாய் கிரகத்திற்கு செல்லும் விண்வெளி வீரர்கள், அங்கு நீண்ட நாட்கள் தங்கி ஆய்வு மேற்கொள்வர். அவ்வாறு தங்கும் பொழுது, சுற்றுப்புற காரணிகளால் பாதிக்காமல் இருக்கும் வகையில் இருப்பிடம் உருவாக்க வேண்டும். செவ்வாய் கிரகத்தை பொறுத்தவரை, வெப்பநிலை, காஸ்மிக் கதிர்வீச்சு ஆகியவற்றின் ஊடுருவலை தடுக்க வேண்டும். இதற்காக நாசா பல்வேறு யோசனைகளை முன்வைத்தது.

செவ்வாய் கிரகத்தில் கிடைக்கும் பொருட்களைக் கொண்டே இருப்பிடம் அமைக்க திட்டமிடப்பட்டது. இதன்மூலம் புவியில் இருந்து கொண்டு செல்லப்படும் பொருட்கள் அளவு குறைவாகவும், எளிதாகவும் இருக்கும் என்று தெரிவித்தது. இந்நிலையில் ”The Mars Ice Home” என்ற நாவலில் குறிப்பிடப்பட்டுள்ள யோசனைகளை செயல்படுத்த முடிவு செய்துள்ளது. அதன்படி, மிகப்பெரிய டோனட் வடிவிலான இருப்பிடத்தை உருவாக்க வேண்டும். இது பனி படர்ந்த நிலையில் தண்ணீருடன் இருக்க வேண்டும்.

ஆனால் பனி வீட்டில் முழுவதும் தண்ணீர் நிரப்ப 400 நாட்கள் ஆகும் என்று, செவ்வாய் கிரக ஆராய்ச்சியாளர்கள் தெரிவித்துள்ளனர். இதனால் இந்த நடவடிக்கையை மேற்கொள்ள சாத்தியக்கூறுகள் குறைவு என்று கூறப்பட்டுள்ளது. இருப்பினும் இதனை செயல்படுத்துவது குறித்து பல்வேறு சாத்தியமான விஷயங்களை நாசா ஆய்வு செய்து வருகிறது.

Donut-shaped ice shelters could shield astronauts on Mars. The innertube-like inflatable shelter is a lightweight design concept.