இஸ்லாமியர்களுக்கு ஏதிரான நிலைப்பாட்டில் இருந்து மாறாத டிரம்ப்

அமெரிக்கா : இஸ்லாமியர்களை நாட்டுக்குள் அனுமதிக்க கூடாது என்று தான் முன்பு கூறியிருந்தது சரியே என அமெரிக்க அதிபராக பதவியேற்க உள்ள டொனால்டு டிரம்ப் தெரிவித்துள்ளார்.

அமெரிக்காவில் நடைப்பெற்ற அதிபர் தேர்தலில் குடியரசு கட்சியை சேர்ந்த டொனல்டு டிரம்ப் வெற்றி வாகை சூடி அடுத்த மாதம் பதவியேற்க்க உள்ளார். இவர் அதிபர் வேட்பாளராக இருக்கும் போதே அமெரிக்காவில் தீவிரவாதம் தலை துக்க இஸ்லாமியர்களே காரணம் என இஸ்லாமியர்களுக்கு எதிரான கருத்துக்களை கூறி வந்தார்.

இந்தநிலையில் திங்கள்கிழமை துருக்கியிலும்,ஜெர்மனியிலும் தீவிரவாத தாக்குதல் நடத்தப்பட்டது. இந்த தீவிரவாத தாக்குதலுக்கு கண்டனம் தெரிவித்திருந்தார் மேலும் இதுகுறித்து அவர் கூறும்போது ,' பயங்கரவாத கும்பல் பூமியில் இருந்து அகற்றப்பட வேண்டும், அதற்கான நடவடிக்கையில் ஈடுபடுவோம்" என்றார்.

மேலும் இஸ்லாமியர்கள் குறித்து கேட்ட கேள்விக்கு பதிலளித்த அவர், " என்னுடைய திட்டங்கள் குறித்து எல்லோருக்கும் தெரியும் . ஐரோப்பாவிலும், துருக்கியிலும் நடைப்பெற்ற தாக்குதல் அதனை நீருபித்துள்ளது. என்னுடைய யோசனை 100 சதவீதம் சரியே" என்று அவர் கூறினார். மேலும் அமெரிக்காவிற்குள் இஸ்லாமியர்கள் நுழைய தடைவிதிப்பது உள்ளிட்ட திட்டங்களில் இருந்து அவர் பின்வாங்க மாட்டார் என அமெரிக்க ஊடகங்கள் கூறிவருகின்றனர்.