ஆஸ்திரேலியா: மசூதியில் குண்டுவெடிப்பு

ஆஸ்திரேலியாவில் மசூதியில் குண்டுவெடித்த சம்பவம் பரபரப்பை ஏற்படுத்தியுள்ளது.

அந்நாட்டில் இஸ்லாமியர்கள், சீக்கியர்கள் உள்பட ஏராளமான சிறுபான்மை மக்கள் வசிக்கின்றனர். இந்நிலையில், பெர்த் நகரின் புறநகர்ப்பகுதியான தோர்ன்லி என்ற இடத்தில் இன்று இஸ்லாமியர்கள் ஏராளமானோர் மசூதியில் தொழுகை நடத்தினர். அப்போது, மசூதிக்கு வெளியே திடீரென பயங்கர சத்தத்துடன் குண்டு ஒன்று வெடித்தது.

இது அப்பகுதியில் பெரும் பரபரப்பை ஏற்படுத்தியுள்ளது. இஸ்லாமிய மக்கள் மீது அதிகரித்து வரும் வெறுப்புணர்வு கண்டிக்கத்தக்கது என்றும், இதனை சீர்களைந்து அனைத்து சமுதாய மக்களும் இணக்கத்துடன் வாழ ஆஸ்திரேலிய அரசு நடவடிக்கை எடுக்க வேண்டும் என்றும், அச்சமூக தலைவர்கள் வலியுறுத்தியுள்ளனர்.