லண்டன் - சீனா ரயிலின் முதல் பயணம் சக்சஸ்: உலகின் 2வது நீளமான ரூட் இதுதான்

பெய்ஜிங்: லண்டனில் இருந்து சீனாவிற்கு சென்ற சரக்கு ரயில் தனது முதல் பயணத்தை வெற்றிகரமாக நிறைவு செய்தது.

கடந்த 2013ஆம் ஆண்டு உலகின் மிகப்பெரிய வர்த்தக நாடாக விளங்கும் சீனா ‘ஒர் இணைப்பு, ஒரு சாலை’ என்ற பெயரில் திட்டம் ஒன்றை வகுத்தது. அதற்கான கட்டமைப்பை வடிவமைக்க பல மில்லியன் டாலர்கள் செலவு செய்யப்பட்டன. இதையடுத்து லண்டனில் இருந்து சீனாவிற்கு ரயில் பாதை நிறுவப்பட்டது. அந்த பாதையில் சரக்கு ரயில் ஒன்று லண்டனில் தனது முதல் பயணத்தை கடந்த 10ஆம் தேதி தொடங்கியது. அதில் விஸ்கி, குழந்தைகள் பால், மருந்துப் பொருட்கள், எந்திரங்கள் உள்ளிட்டவை ஏற்றி அனுப்பப்பட்டது. அந்த ரயில் பிரான்ஸ், பெல்ஜியம், ஜெர்மனி, போலந்து, பெலாரஸ், ரஷ்யா, கஜகஸ்தான் ஆகிய நாடுகளை கடந்து சென்றது.

இறுதியாக சீனாவின் ஷி ஜியாங் மாகாணத்தின் யிய்வு நகரை 20 நாட்களுக்கு பின் வந்தடைந்தது. லண்டன் - சீனா இடையே மொத்தம் 12,000 கி.மீ தூரம் ரயில் பயணித்துள்ளது. இந்தப் பாதை ரஷ்யாவின் புகழ்வாய்ந்த டிரான்ஸ் - சைபீரியன் ரயில் பாதையை விட நீளமானது. ஆனால் கடந்த 2014ஆம் ஆண்டு தொடங்கப்பட்ட சீனா - மாட்ரிட் ரயில் பாதையை விட 1000கி.மீ நீளம் குறைவானது என்பது குறிப்பிடத்தக்கது. அந்தப் பாதை நவீன் யுகத்தின் ’சில்க் ரோடு’ அல்லது ‘வெள்ளிப் பாதை’ என்று அழைக்கப்படுகிறது. விமானப் பயணத்தை விட நேரம், செலவு ஆகியவை குறைவாக மட்டும் ஆகிறது.

The first freight train to link China directly to the UK arrived in the eastern Chinese city of Yiwu Saturday after covering over 12,000-kilometres (7,500 miles), making it the second-longest route in the world.