தாஜ் மஹால்
காதலின் சின்னமாக கருதப்படும் தாஜ் மஹால் உலக அதிசயங்களில் ஒன்றாகவும் திகழ்கிறது. 1000 யானைகள், 20000 தொழிலாளர்கள் கொண்டு 20 ஆண்டுகளில் தாஜ் மஹால் கட்டப்பட்டுள்ளது. தாஜ் மஹாலில் இருக்கும் சில்ல பாதுகாப்பான அறைகளில் யாருமே அனுமதிக்கப்படுவதில்லை. சில ரகசிய அறைகள் சீல் வைக்கப்பட்டு மூடப்பட்டுவிட்டன.
கிரேட் ஸ்பிங்ஸ் ஆஃப் கீஸா
எகிப்து நாட்டில் இருக்கும் கிரேட் ஸ்பிங்ஸ் ஆஃப் கீஸா 66 அடி உயரமும், 62 அடி அகலமும், 240 அடி நீளமும் கொண்டது. சுமார் 4,500 ஆண்டுக்ளுக்கு முன் இந்த அமைப்பு கட்டப்பட்டதாக கூறப்படுகிறது. இதற்கு கீழே நிலத்தடியில் 25 அடியில் இரண்டு செவ்வக அமைப்புகள் இருப்பது கண்டுபிடிக்கப்பட்டுள்ளது. ஆனால் அதில் என்ன ரகசியங்கள் இருக்கின்றன என்பது தெரியவில்லை.
பத்மநாபசாமி கோயில்
கேரள மாநிலத்தில் அமைந்துள்ள பத்மநாபசாமி கோயில் செல்வம் மிகுந்த கோயில் மட்டுமல்லாமல் உலகப் புகழ் பெற்றது. இக்கோயிலில் இருந்த 6 ரகசிய அறைகளுக்குள் நுழைய 2011ஆம் ஆண்டில் அதிகாரிகள் முயற்சித்தனர். தீவிர முயற்சியால் 5 அறைகள் திறக்கப்பட்டு உள்ளே தங்கம், ரத்தின கற்கள், வைரம், விலையுயர்ந்த நகைகள் உள்பட புதையல்கள் கிடைத்தன. ஆனால், 6ஆம் அறை இன்னும் பூட்டப்பட்டு இருக்கிறது.
முதல் பேரரசரின் கல்லறை
மத்திய சீனாவில் உள்ள மலைப்பகுதியில் சீனாவின் முதல் பேரரசரான கின் ஷி ஹுவாங்கின் கல்லறை 2000 ஆண்டுகளுக்கு மேலாக இருக்கிறது. ஆனால் கல்லறையை கண்டுபிடிக்க முடியாமல் ஆய்வாளர்கள் திணறி வருகின்றனர். ஏனெனில், கல்லறையை சுற்றி மெர்க்குரி ஆறுகள் ஓடுவதாக நம்பப்படுகிறது. இது ஆபத்தானது என்பதால் நடவடிக்கைகள் எடுக்கப்படவில்லை. எனினும், பேரரசரின் கல்லறை அருகே ஏராளமான புதையல்கள் இருப்பதாக கூறப்படுகிறது.