22 கோடி ஆண்டுகள் பழைய டைனோசரை கண்டுபிடித்த சிறுமி!

பல லட்சம் ஆயிரம் ஆண்டுகளுக்கு முன் பூமியில் வாழ்ந்ததாக கருதப்படும் டைனோசர்கள் சம்பந்தமான தொல்லுயிர் எச்சங்கள் அவ்வப்போது கிடைத்து வருகின்றன. இதுபோக, டைனோசரின் முட்டைகள் கண்டுபிடிக்கப்பட்டதாகவும் சில சமயங்களில் தகவல் வெளியாவதுண்டு.

இந்நிலையில், பிரிட்டன் நாட்டில் பேரிஸ் பெண்ட்ரிக்ஸ் பே கடற்கரை பகுதியில் நான்கு வயது சிறுமியான லில்லி வில்டர் கோடிக்கணக்கான ஆண்டுகளுக்கு முன் வாழ்ந்த டைனோசரின் கால்தடத்தை கண்டுபிடித்துள்ளார்.

பாகிஸ்தான் வானில் பறக்கும் தட்டு?
இந்த கால்தடம் 22 கோடி ஆண்டுகளுக்கு முன் வாழ்ந்த டைனோசரால் ஏற்படுத்தப்பட்டதாகவும், இன்னும் அழியாமல் பாதுகாப்பாக இருப்பதாகவும் கூறப்படுகிறது. இந்த கால்தடங்கள் 10 செ.மீ நீளமாக இருக்கின்றன. இந்த தடத்தை பதித்த டைனோசர் 75 செ.மீ நீளம் இருந்திருக்க வேண்டும் என கூறப்படுகிறது.

சிறுமி லில்லி வில்டர் தனது தந்தையுடன் பீச்சில் ஜாலியாக நடந்துசென்றபோது இந்த பழங்கால அதிசயத்தை கண்டுள்ளார். இதேபோல ஏற்கெனவே பீச்சில் இதுபோன்ற கால்தடங்கள் கண்டுபிடிக்கப்பட்டுள்ளன. இவை மிகவும் பத்திரமாக பாதுகாக்கப்பட்டு வருகின்றன.

மியான்மரில் அவசரநிலை பிரகடனம்: நள்ளிரவில் ராணுவம் நடவடிக்கை!
இதேபோல, அர்ஜெண்டினா நாட்டிலும் மிகப்பெரிய டைனோசரின் தொல்லுயிர் எச்சங்கள் கண்டுபிடிக்கப்பட்டுள்ளன. இது டிடனோசாரஸ் வகை டைனோசர் எனவும், 9.8 கோடி ஆண்டுகளுக்கு முன் வாழ்ந்திருக்கலாம் எனவும் ஆய்வாளர்கள் கூறுகின்றனர்.