நம்மூர் பாஸ்போர்ட்டின் பவர் எவ்வளவு தெரியுமா?

உலகின் சக்தி வாய்ந்த பாஸ்போர்ட்டுகளின் பட்டியலில் இந்திய பாஸ்போர்ட்டுக்கு 78-வது இடம் கிடைத்துள்ளது.

பன்னாட்டு நிதி ஆலோசனை நிறுவனமான 'ஆர்டன் கேபிடல்' என்ற நிறுவனம்,விசா இல்லாமல் அதிக நாடுகளுக்கு செல்லக் கூடிய அனுமதி உள்ள பாஸ்போர்ட்டுகள் குறித்த ஆய்வை மேற்கொண்டது.இந்த ஆய்வின் முடிவில் 157 புள்ளிகளுடன் ஜெர்மனி நாட்டின் பாஸ்போர்ட் முதலிடம் பிடித்தது.156 புள்ளிகளுடன் சிங்கப்பூர் மற்றும் ஸ்வீடன் ஆகிய நாடுகள் இரண்டாம் இடத்தை பிடித்தன.ஆசிய கண்டத்தை பொறுத்த வரை சிங்கப்பூர் முதலிடமும்,தென் கொரியா இரண்டாம் இடத்தையும் பிடித்துள்ளது.

இந்த பட்டியலில் 46 புள்ளிகளை பெற்றுள்ள இந்தியாவுக்கு 78-வது இடம் கிடைத்துள்ளது.நமது அண்டை நாடுகளான சீனா 58-வது இடத்தையும்,இலங்கை 89-வது இடத்தையும்,பாகிஸ்தான் 94-வது இடத்தையும் பிடித்துள்ளன.

இந்த பட்டியலில் வெறும் 23 புள்ளிகளை எடுத்த ஆப்கானிஸ்தான் நாட்டு பாஸ்போர்ட் கடைசி இடத்தில் உள்ளது.

German passport selected as a powerfull passport all over the world