கர்ப்பரேட் நிறுவனங்களிடம் நிதி திரட்டபடும்; மாஃபா பாண்டியராஜன்

கார்ப்பரேட் நிறுவனங்களிடம் இருந்து உலகத்தமிழ் ஆராய்ச்சி நிறுவனம் சார்பில் நிதி திரட்டப்படும் என்றும் இந்த பணிகள் ஜனவரிக்குள் முடியும் என்றும் அமைச்சர் மாஃபா பாண்டியராஜன் கூறினார்


அமெரிக்காவின் ஹார்வர்டு பல்கலைக்கழகத்தில் தமிழ் இருக்கை அமைவது உறுதியானது. தமிழக அரசு மற்றும் தமிழ் ஆர்வலர்களின் முயற்சிக்கு வெற்றி கிடைத்து உள்ளது. தமிழக அரசின் பங்காக ரூ. 9.75 கோடியை விடுவிக்கிறது.
மீதி பணத்தை பெறுவதில் தமிழக அரசு அனைத்து முயற்சிகளையும் மேற்கொள்ளும் என்றும் கூறப்பட்டது.

இந்நிலையில், சென்னையில் செய்தியாளர்களிடம் பேசிய அமைச்சர் மாஃபா பாண்டியராஜன், கார்ப்பரேட் நிறுவனங்களிடம் இருந்து உலகத்தமிழ் ஆராய்ச்சி நிறுவனம் சார்பில் நிதி திரட்டப்படும் என்றும் இந்த பணிகள் ஜனவரிக்குள் முடியும் என்றும் கூறினார்.

தொடர்ந்து பேசிய அவர், ஹார்வர்டு பல்கலைக்கழகத்தில் தமிழ் இருக்கைக்கு தேவைப்படக்கூடிய மீதமுள்ள 9.5 கோடி ரூபாயை திரட்ட நடவடிக்கை எடுக்கப்படும் என்றும் தெரிவித்தார்.