பனிப்பொழிவால் வெள்ளை தேசமாக மாறிய சஹாரா பாலைவனம்!

சஹாரா பாலைவனத்தில் ஏற்பட்டுள்ள கடுமையான பனிப்பொழிவு காரணமாக பாலைவனம் முழுவதும் வெள்ளைப்போர்வை போர்த்தியது போல காட்சியளிக்கிறது.

ஆப்பிரிக்க நாடுகளில் ஒன்றான அல்ஜீரியாவின், சஹாரா பாலைவனத்தில் 40 ஆண்டுகளுக்கு பிறகு கடுமையான பனிப்பொழிவு ஏற்பட்டுள்ளது. இதனால் சஹாரா பாலைவனம் முழுவதும் வெள்ளை தேசமாக காட்சியளிக்கிறது. சுமார் 18 அங்குலம் உயரத்திற்கு பனிப்படலம் மூடியிருப்பது சுற்றுலாப் பயணிகளிடையே ஆச்சரியத்தையும், மகிழ்ச்சியையும் ஏற்படுத்தியுள்ளது.



சஹாரா பாலைவனத்தில் கடந்த 2016ஆம் ஆண்டும் பனிப்பொழிவு ஏற்பட்டாலும், அதைவிட அதிகமாக தற்போது பனிப்பொழிவு ஏற்பட்டுள்ளது.

உலகிலேயே அதிக வெப்பம் மிகுந்த பகுதியாக இருக்கும் சஹாரா பாலைவனத்தில் தற்போது நிலவி வரும் காலநிலை ஆய்வாளர்களை வியப்பில் ஆழ்த்தியுள்ளது. சஹாராவின் பருவ நிலை மாற்றங்களை தொடர்ந்து கவனித்துவரும் ஆய்வாளர்கள் கடந்த சில நூறு ஆண்டுகளாக சஹாரா வித்தியாசமான பருவநிலை மாற்றங்களைச் சந்தித்து வருவதாகத் தெரிவிக்கின்றனர்.



இதுகுறித்து வானிலை ஆய்வாளர்கள் கூறுகையில், ஐரோப்பிய பகுதியில் ஏற்பட்டுள்ள அதிக அழுத்தம் மற்றும் குளிர் காற்று, வடக்கு ஆப்பிரிக்காவை நோக்கி இழுப்பதே இந்த பனிப்பபொழிவுக்கு காரணம் என்று கூறுகின்றனர்.