ஐஎஸ்ஐஎஸ் அமைப்பின் நிறுவனர் ஹிலாரி - ட்ரம்ப்

அமெரிக்கா: ஐஎஸ் ஐஎஸ் அமைப்பை நிறுவியவர்களில் ஹிலாரி கிளின்டனும் ஒருவர் என அமெரிக்க குடியரசு கட்சியின் அதிபர் வேட்பாளர் டொனால்டு ட்ரம்ப் கடுமையாகச் சாடியுள்ளார்.

அமெரிக்க அதிபர் தேர்தல் இன்னும் சில தினங்களில் நடைபெற உள்ளது. அமெரிக்க குடியரசு கட்சி சார்பில் அதிபர் வேட்பாளராக டொனல்டு ட்ரம்ப்பும், ஜனநாயக கட்சி சார்பில் ஹிலாரி கிளின்டனும் போட்டியிடுகிறார். இவர்கள் இருவரும் அனல் பறக்கும் பிரச்சாரத்தில் ஈடுபட்டுவருகின்றனர்.

இந்த நிலையில் புளோரிடா மகாணத்தில் நடைபெற்ற பிரச்சார கூட்டத்தில் பேசிய ட்ரம்ப்: "ஹிலாரி கிளின்டன் ஐஎஸ் ஐஎஸ் அமைப்பை நிறுவியர்களில் ஒருவர், எனவே அவருக்கு ஐஎஸ் ஐஎஸ் அமைப்பு விருது வழங்க வேண்டும்.

ஓர்லண்டோ, சன் பேர்ணான்டியோ, உலக வர்த்தக மையம் ஆகியவற்றில் என்ன நடந்தது என்று நினைவு கூறுங்கள். இந்த சம்பவங்கள் மூல்மாக தான் ஐஎஸ் ஐஎஸ் அமைப்பு உலகம் மூழுவதும் பரவியது.

குடியரசு கட்சி முன் எப்போதையும் விட தற்போது ஒற்றுமையாகவும் ,வலிமையாகவும் உள்ளது,அதற்கான நான் அனைவரிடமும் நன்றி தெரிவித்துக் கொள்கிறேன்.

உலக வர்த்தக மையத்தின் மீது தாக்குதல் நடந்த போது நான் அதிபராக இருந்திருந்தால் அவ்வாறு நடைபெற்றதை தடுத்திருப்பேன். ஏனெனில் அந்த தாக்குதலுக்கு காரணமானவர்கள் அமெரிக்காவில் இருந்திருக்க முடியாது" என்று டொனால்டு ட்ரம்ப் கூறியுள்ளார்.

ஹிலாரியை 'சாத்தான்' என்றும், அமெரிக்க அதிபர் ஓபாமாவை 'வரலாற்றில் மோசமான அதிபர்' என்றும் இதற்கு முந்திய பிரச்சாரங்களில் ட்ரம்ப் சாடியது குறிப்பிடத்தக்கது.