எயிட்ஸால் பாதிக்கப்பட்ட பெண் காங்கோ நாட்டின் அழகியாக தேர்வு..!

எயிட்ஸ் நோயால் பாதிக்கப்பட்ட இளம்பெண், பிரிட்டனில் வாழும் காங்கோ நாட்டினருக்கான போட்டியில் அழகியாக தேர்ந்தெடுக்கப்பட்டுள்ள நெகிழ்ச்சியான சம்பவம் நடைபெற்றுள்ளது.

ஹோர்சிலி சிண்டா வா போங்கோ என்ற பெண்ணிற்கு, அவரது 11 வயதில் எய்ட்ஸ் நோய் இருப்பது கண்டறியப்பட்டது. தற்போது 22 வயதாகும் அவர், இளங்கலை பட்டப்படிப்பு மாணவியாக உள்ளார். காங்கோ நாட்டைச் சேர்ந்த இவர், தற்போது பிரிட்டனில் வாழ்ந்து வருகிறார்.

தற்போது எயிட்சால் பாதிக்கப்பட்டவர்கள் நலனுக்காக அவர் விழிப்புணர்வு ஏற்படுத்தி வருகிறார். இந்நிலையில் சில நாட்களுக்கு முன்னர் பிரிட்டனில் வாழும் காங்கோ நாட்டவர்களுக்கான அழகிப்போட்டி நடைபெற்றது. இந்த போட்டியில் மற்ற சாதாரண பெண்களுடன், எயிட்சால் பாதிக்கப்பட்ட சிண்டா வா போங்கோவும் கலந்து கொண்டார்.

போட்டியின் அனைத்து சுற்றுகளிலும் சிறப்பாக செயல்பட்ட அவர், இறுதிச் சுற்றில் நடுவர்களின் கேள்விகளுக்கு சரியான பதிலை அளித்தார். இதனைத் தொடர்ந்து மிஸ் காங்கோ யு.கே 2017-ஆக போங்கோ தேர்ந்தெடுக்கப்பட்டார்.
”என் வாழ்க்கையில் ஏதாவது சிறப்பாக செய்வதற்கான ஒரு வாய்ப்பு கிடைத்திருப்பதால் மகிழ்ச்சியாக உணர்கிறேன். இந்த பட்டம் மூலம் மக்களின் மனதில் நான் இடம்பிடித்திருப்பது இதில் மிகவும் முக்கியமானது.” என போங்கோ தெரிவித்துள்ளார். மேலும் தன்னுடைய வாழ்க்கை, தன்னை போன்ற எயிட்சால் பாதிக்கப்பட்டவர்களுக்கு உத்வேகமாக இருக்கும் எனவும் அவர் மகிழ்ச்சி தெரிவித்துள்ளார்.

HIV affected girl become a Miss Congo UK-2017