முகக்கவசம் அணிவதில் விலக்கு: எப்படி அப்ளை செய்வது?

கொள்ளை நோயான கொரோனா வைரஸுக்கு இதுவரை தடுப்பு மருந்து கண்டுபிடிக்கப்படவில்லை. அதேசமயம், சரீர விலகல், கைகளை சோப்பு அல்லது சானிடைசர்கள் போட்டு கழுவுவது, முகக்கவசம் அணிவது உள்ளிட்டவைகளே தீர்வாக உள்ளன.

பொதுமக்கள் ஒவ்வொருவரும் வெளியில் செல்லும் போதும், உரையாடலின் போதும் முகக்கவசம் கண்டிப்பாக அணிய வேண்டும். வீட்டில் பாதிக்கப்படக்கூடிய நபர் இருப்பின், அவருடன் உரையாடும் போதும் முகக்கவசம் அணிய வேண்டும். உலகளாவிய முகக்கவசம் அணியும் முறையால் கொரோனா பரவல் சங்கிலியை உடைக்க முடியும் என அறிவுறுத்தப்பட்டுள்ளது. பொது இடங்களில் இத்தகைய முன்னெச்சரிக்கை நடவடிக்கைகள் கண்டிப்பாக பின்பற்றப்பட வேண்டும் எனவும், கண்டிப்பாக முகக்கவசம் அணிய வேண்டும் எனவும் அரசுகள் எச்சரிக்கை விடுத்துள்ளன. இதனை மீறுபவர்களிடம் அபராதம் வசூலிக்கப்பட்டும் வருகிறது.

இந்த நிலையில், முகக்கவசம் அணிவதால் மருத்துவப் பிரச்சினைகளை எதிர்கொள்பவர்களுக்கு அதிலிருந்து விலக்கு அளித்து துபாய் சுகாதார ஆணையம் அறிவிப்பு வெளியிட்டுள்ளது. “முகக்கவசம் அணிவதால் மருத்துவப் பிரச்னைகளை எதிர்கொள்பவர்கள் விலக்கு கேட்டு விண்ணப்பிக்கலாம். இந்த விண்ணப்பம் மருத்துவக் குழுவால் ஆராய்ந்து உறுதி செய்யப்பட்ட பின், ஐந்து நாட்களுக்குள் செயல்படுத்தப்படும்” என தெரிவிக்கப்பட்டுள்ளது.

கொரோனா தடுப்பூசி பற்றி சூப்பர் அறிவிப்பு - பொதுமக்கள் மகிழ்ச்சி!

விண்ணப்பிக்கும் நபர்கள் தங்களது மருத்துவ ஆவணங்கள், எமிரேட்ஸ் அடையாள அட்டை உள்ளிட்ட முக்கிய ஆவணங்களை சமர்பிக்க வேண்டும். விலக்கு அளிக்கப்பட்டவர்கள் முகக்கவசம் அணிவது கட்டாயமில்லை. ஆனாலும், தங்களையும் மற்றவர்களையும் தொற்று அபாயத்திலிருந்து பாதுகாக்க வேண்டும் என்பதால் முடிந்தவரை பொது இடங்களில் முகக்கவசம் அணிய வேண்டும் என்று அறிவுறுத்தப்பட்டுள்ளது.

எப்படி விண்ணப்பிக்க வேண்டும்?

1. http://dxbpermit.gov.ae என்ற இணையதள முகவரிக்கு செல்ல வேண்டும்

2. அதில் Category என்பதை க்ளிக் செய்ய வேண்டும்

3. அதிலிருக்கும் கீழ்தோன்றலில் (dropdown) உங்களது நிலைமையை தேர்ந்தெடுக்க வேண்டும் - – ‘Special Needs’ or ‘Health Issue’

4. உங்கள் மருத்துவ நிலையை உள்ளிடவும்

5. அடுத்த பக்கத்தில், உங்கள் பெயர், எமிரேட்ஸ் அடையாள எண் மற்றும் தேசியத்தை (nationality) உள்ளிடவும்

6. எமிரேட்ஸ் அடையாள அட்டை நகல், மருத்துவ சான்றுகளை பதிவேற்ற வேண்டும்

7. எல்லா தகவல்களையும் சரிபார்த்து, பின்னர் விண்ணப்பிக்கவும் (Apply) என்பதைக் கிளிக் செய்ய வேண்டும்