ஏலம் எடுக்கப்பட்ட ஐன்ஸ்டீனின் கிண்டல் புகைப்படம்; எவ்வளவுக்கு தெரியுமா?

நியூயார்க்: ஐன்ஸ்டீனின் கிண்டல் புகைப்படம் ரூ.80 லட்சத்திற்கு ஏலம்போனது.

உலகப் புகழ்பெற்ற அறிவியல் விஞ்ஞானி ஐன்ஸ்டீன், கடந்த 1951ஆம் ஆண்டு மார்ச் ஒன்றாம் தேதி இரவு தனது 72வது பிறந்தநாளைக் கொண்டாடினார். அதில் அவருடைய நண்பர்கள் சிலரும் கலந்து கொண்டனர். இரவு முழுவதும் சிறப்பாக கொண்டாடப்பட்ட விழாவில், புகைப்படக் கலைஞர்கள் தங்கள் கைவண்ணத்தைக் காட்டினர். இந்நிலையில் பிறந்தநாள் கொண்டாட்டங்கள் நிறைவடைந்தன.

இதையடுத்து அவர் தனது நண்பர்களுடன் காரில் புறப்பட்டார். அப்போது அங்கு வந்த ஆர்ட் சஸ்ஸீ என்ற புகைப்படக் கலைஞர், ஐன்ஸ்டீனிடம் ’இறுதியாக ஒரு புகைப்படம் எடுக்க வேண்டும். கொஞ்சம் சிரியுங்கள்’ என்று கூறினார். அப்போது கிண்டலாக தனது நாக்கை வெளியே நீட்டி, போஸ் கொடுத்தார். அது புகைப்படமாக எடுக்கப்பட்டது. பின்னர் அதைக் கண்ட ஐன்ஸ்டீனிற்கு, புகைப்படம் பிடித்து போனது.

அதனால் அப்படத்தை 9 பிரிண்ட்கள் போடுமாறு கூறி வாங்கிக் கொண்டார். அத்இல் ஒரு புகைப்படம் பாதுகாப்பாக வைக்கப்பட்டு, ஏலத்திற்கு வந்தது. இதில் ஐன்ஸ்டீனின் கையெழுத்து இடம்பெற்றிருந்தது குறிப்பிடத்தக்கது. இந்த புகைப்படத்தை லாஸ் ஏஞ்சல்ஸ் நகரைச் சேர்ந்த ஒருவர், ரூ.80 லட்சத்திற்கு ஏலம் எடுத்தார்.

Iconic Photo of Einstein Sticking Out His Tongue Sells for $125,000.