ஆட்டுக்குட்டி தான் அயர்லாந்து நாட்டின் ராஜா!

அயர்லாந்தில் உள்ள கில்லோர்லின் நகரில் அந்நாட்டின் அரசனாக ஆட்டுக்குட்டிக்கு முடிசூட்டியுள்ளனர்.

அயர்லாந்தில் கொண்டாடப்படும் பக்ஃபேர் பண்டிகை மிகவும் பழமையான திருவிழா ஆகும். இந்த விழாவின் ஒரு பகுதியாக ஒவ்வொரு ஆண்டும் ஆட்டிக்குட்டி ஒன்றை டூருக்கு அழைத்துச்செல்வார்கள்.

ஆட்டுக்குட்டியை ஊர்வலமாகக் அழைத்துச் சென்ற பின் அந்த ஆட்டிற்கு அரசனாக முடிசூட்டப்படும். இரண்டு நாட்கள் நடைபெறும் இந்தத் திருவிழா முடியும் வரையில் ஆடுதான் அந்த நாட்டுக்கு அரசன்.

இந்த ஆண்டும் இத்திருவிழா கோலாகலமாகத் தொடங்கியுள்ளது. வழக்கம் போல இந்த ஆண்டும் முடிசூட்டப்பட ஆட்டிற்கு முட்டைக்கோஸ் விருந்து அளிக்கப்பட்டது. திருவிழா முடிந்த பின்னர் ஆட்டை அது வசித்த இடத்திற்கே திரும்பி அனுப்பிவிடுவார்கள்.

இந்த விழாவில் ஆட்டமும் பாட்டமுமாக கலை நிகழ்ச்சிகள் நடத்தப்படும். ஆண்டு தோறும் ஆகஸ்ட் 10 முதல் 12 ஆம் தேதி வரை இந்த விழா கொண்டாடப்படும்.