ஆப்நகரம்

இந்தியாவில் 40,000 சட்டவிரோத ரோஹிங்கியா முஸ்லீம்கள்; நாடு கடத்த அரசு திட்டம்...!

இந்தியாவில் சட்டவிரோதமாக தங்கியுள்ள ரோஹிங்கியா முஸ்லீம்களை நாடு கடத்த திட்டமிடப்பட்டுள்ளது.

TNN 12 Aug 2017, 7:17 am
டெல்லி: இந்தியாவில் சட்டவிரோதமாக தங்கியுள்ள ரோஹிங்கியா முஸ்லீம்களை நாடு கடத்த திட்டமிடப்பட்டுள்ளது.
Samayam Tamil india to deport 40000 rohingya muslims
இந்தியாவில் 40,000 சட்டவிரோத ரோஹிங்கியா முஸ்லீம்கள்; நாடு கடத்த அரசு திட்டம்...!


இந்திய அரசின் புள்ளி விவரக் கணக்குப்படி, 14,000 ரோஹிங்கியா அகதிகள் மட்டுமே ஐ.நா.அகதிகள் ஆணையத்திடம் பதிவுச் செய்த அகதிகளாக இந்தியாவில் வசிக்கின்றனர். நாடுகடத்தப்படுவதாக கூறப்படும் சுமார் 40,000 அகதிகள் சட்டவிரோதமாக இந்தியாவில் உள்ளதாக அரசு குறிப்பிட்டுள்ளது.

இதுதொடர்பாக மியான்மர் மற்றும் பங்களாதேஷ் அரசுகளிடையே ராஜதந்திர மட்டத்தில் பேச்சுவார்த்தை நடைபெற்று வருவதாக இந்திய உள்துறை அமைச்சகத்தின் செய்தி தொடர்பாளர் தட்வாலியா தெரிவித்துள்ளார்.

ஜம்மு, அசாம், உத்தரப் பிரதேசம், ஹரியானா, டெல்லி, ஐதராபாத், ராஜஸ்தான், சென்னை உள்ளிட்ட பல்வேறு பகுதிகளில் ரோஹிங்கியா அகதிகள் வசித்து வருகின்றனர்.

முன்னதாக நாடாளுமன்றத்தில் பேசிய மத்திய உள்துறை இணையமைச்சர் கிரண் ரிஜ்ஜூ, இந்தியாவில் சட்டவிரோதமாக தங்கியுள்ள வெளிநாட்டினரைக் கண்டறிந்து நாடுகடத்த சிறப்புப் படை அமைக்கப்படும் என்றார்.

மியான்மரில் 134 இனக்குழுக்களுக்கு குடியுரிமை அளிக்கப்பட்டருந்தாலும், ரோஹிங்கியா முஸ்லீம்கள் பங்களாதேஷிலிருந்து வந்த சட்டவிரோத குடியேற்றவாசிகள் என்றே மியான்மர் கூறுகிறது.

இதன் காரணமாக மியான்மரில் ரோஹிங்கியா முஸ்லீம்களை மையப்படுத்திய கலவரங்களும் தாக்குதல்களும் தொடர்ந்து வருகின்றது. இதனால் ரோஹிங்கியா முஸ்லீம்கள் பல்வேறு நாடுகளுக்குத் தஞ்சம் கோரிச் செல்லும் அவல நிலைக்குத் தள்ளப்பட்டுள்ளனர்.

India ‘to deport 40,000 Rohingya Muslims’.

அடுத்த செய்தி