ட்ரம்பை ட்விட்டரில் 'வெச்சு' செய்யும் இந்திய வம்சாவளி எம்பி !!

அமெரிக்க அதிபர் பதவிக்கான தேர்தலில் இருந்து விலகுவதாக அறிவித்த இந்திய வம்சாவளி பெண் எம்பி கமலா ஹாரிஸை கேலி செய்த ட்ரம்ப்புக்கு, அவர் தக்க பதிலடி கொடுத்துள்ளார்.

அமெரிக்க அதிபர் தேர்தல் விரைவில் நடைபெறவுள்ளது. இத்தேர்தலுக்கான போட்டியிலிருந்து விலகுவதாக, ஜனநாயக கட்சி வேட்பாளரும், இந்திய வம்சாவளியைச் சேர்ந்தவருமான கமலா ஹாரிஸ் எம்பி அண்மையில் அறிவிந்திருந்தார்.

அவரது இந்த அறிவிப்பை, டொனால்ட் ட்ரம்பின் தேர்தல் பிரசாரக் குழுவின் முன்னாள் மேலாளரான கோரே லெவென்டோவ்ஸ்க்கி கேலி செய்யும் வகையில், தனது டுவிட்டர் பக்கத்தில் பதிவு ஒன்றை வெளியிட்டுள்ளார்.

' உங்கள் பிரிவுக்கு வருந்துகிறோம். அது மிகவும் மோசமான முடிவு' (very bad... we'll miss you Kamala) என அந்த பதிவில் கோரே லெவென் டோவ்ஸ்க்கி குறிப்பிட்டிருந்தார். இதற்கு, கமலா ஹாரிஸ் தனது ட்விட்டர் பதிவில் தக்க பதிலடி கொடுத்துள்ளார்.

அமெரிக்க அதிபருக்கு நன்றி சொல்லும் ஹாங்காங் மக்கள்

'கவலைப்படாதீங்க, அதிபர் அவர்களே! (பதவி நீக்க) விசாரணையில் உங்களை பார்ப்பேன்' என கமலா ஹாரிஸ் வெளியிட்டுள்ள ட்விட்டர் பதிவு, சமூக வலைத்தளங்களில் பெரும் வரவேற்பு பெற்று வருகிறது.

அமெரிக்க அதிபர் டொனால்ட் டிரம்ப் தனது பதவியை தவறாக பயன்படுத்தியதாகவும், உக்ரைனுடன் ரகசிய பேரத்தில் ஈடுபட்டு, சொந்த நாட்டின் பாதுகாப்புக்கு ஆபத்தை ஏற்படுத்தியதாகவும் ஜனநாயக கட்சியினர் குற்றம்சாட்டி வந்தனர்.

இந்த நிலையில், தன் மீதான இந்தக் குற்றச்சாட்டு குறித்து இன்று (புதன்கிழமை) நடைபெறும் அடுத்தகட்ட விசாரணையில், அதிபர் ட்ரம்ப் நேரிலோ அல்லது அவரது வழக்கறிஞர் மூலமாகவோ ஆஜராக வேண்டுமென நாடாளுமன்ற விசாரணைக் குழு தெரிவித்திருந்தது.

ஆனால், இந்த விசாரணை நடைமுறையில் நேர்மை இல்லாததால், அதிபரோ அல்லது அவரது வழக்கறிஞரோ ஆஜராகாதமாட்டார்கள் என வெள்ளை மாளிகை திட்டவட்டமாக தெரிவித்திருப்பது குறிப்பிடத்தக்கது.