இந்தோனேசியாவில் பேருந்து கவிழ்ந்து விபத்து 21 பயணிகள் பலி

இந்தோனேசியாவின் ஜாவா பகுதியில் பேருந்து ஒன்று 100 அடி பள்ளத்தில் கவிழ்ந்து விபத்துக்குள்ளானதில் சுற்றுலா பயணிகள் 21 போ் உயிரிழந்துள்ளனா்.

இந்தோனேசியாவின் மேற்கு ஜாவா பகுதியில் உள்ள சுகாபூமி மாவட்டத்தில் தனியார் நிறுவன ஊழியா்கள் பேருந்து ஒன்றில் சுற்றுலா சென்றிருந்தனா். பேருந்து சனிக்கிழமை திடீரென ஓட்டுநரின் கட்டுப்பாட்டை இழந்து அருகில் இருந்த 100 அடி பள்ளத்தில் கவிழ்ந்து விபத்துக்குள்ளானது.

தகவல் அறிந்து உடனடியாக சம்பவ இடத்திற்கு வந்த மீட்பு படையினா் இடிபாடுகளில் சிக்கி இருந்தவா்களை மீட்டு மருத்துவமனைகளுக்கு அனுப்பி வைத்தனா். இருப்பினும் இந்த விபத்தில் 21 சுற்றுலா பயணிகள் உயிரிழந்து விட்டதாக மீட்பு படையினா் தெரிவித்துள்ளனா். மேலும் 9 போ் படுகாயங்களுடன் மருத்துவமனையில் அனுமதிக்கப்பட்டு சிகிச்சை பெற்று வருகின்றனா்.