இந்தோனேசியாவில் பாலியல் குற்றவாளிகளுக்கு “அது” கட்..!

இந்தோனேசியாவில் பாலியல் குற்றங்களில் ஈடுபடுவர்களுக்கு கடுமையான தண்டனைகள் விதிக்க அந்நாட்டு நாடாளுமன்றம் ஒப்புதல் வழங்கியுள்ளது.

முழு இஸ்லாமிய நாடாக அறியப்படும் இந்தோனேசியாவில்,கடந்த சில மாதங்களுக்கு முன்னர் 14 வயது சிறுமி ஒருவர் கூட்டுப்பாலியல் பலாத்காரத்திற்கு உட்படுத்தப்பட்டு கொல்லப்பட்டார்.அந்நாட்டில் பெரும் பரபரப்பை ஏற்படுத்திய இந்த சம்பவத்திற்கு எதிர்ப்பு தெரிவித்து போராட்டங்கள் வெடித்தன.பாலியல் குற்றங்களில் ஈடுபடுவர்களுக்கான தண்டனைகள் கடுமையாக்கப்பட வேண்டும் எனவும் வலியுறுத்தப்பட்டது.

இந்நிலையில் பாலியல் குற்றங்களுக்கான தண்டனைகளை அதிகப்படுத்துவது தொடர்பான சட்டத் திருத்த மசோதா அந்நாட்டு நாடாளுமன்றத்தில் தாக்கல் செய்யப்பட்டது.பல நாட்கள் மசோதா மீது விவாதம் நடைபெற்ற பின்னர்,இறுதியாக இந்த சட்டத்திருத்தத்திற்கு இந்தோனேசிய நாடாளுமன்றம் ஒப்புதல் அளித்தது.

இதன்படி இனி சிறுமிகளை பாலியல் வன்கொடுமை செய்பவர்களுக்கு இரசாயன முறையில் ஆண்மை பறித்தல்,மரண தண்டனை போன்ற கடுமையான தண்டனை அளிக்கப்படும்.

English Summary:

Indonesia’s parliament has handed controversial legal guidelines authorising chemical castration, minimal sentences and execution for convicted paedophiles.