துருக்கி வீரர்களை உயிருடன் எரித்த ஐ.எஸ்., தீவிரவாதிகள் !

அங்காரா : கைது செய்யப்பட்ட துருக்கி ராணுவ வீரர்களை ஐ.எஸ்.ஐ.எஸ்.,, தீவிரவாதிகள் உயிருடன் எரித்துள்ளனர்.

அலெப்போ நகரில் நடைபெற்ற போரின் போது, ஐ.எஸ்., அமைப்பினரிடம், துருக்கி வீரர்கள் இருவர், சிக்கினர். அவர்களை தீவிரவாதிகள் உயிருடன் எரித்து கொன்ற வீடியோ வெளியாகியுள்ளது.

துருக்கி வீரர்கள் கொல்லப்பட்டதுக்கு பதிலடி கொடுப்பதாக, துருக்கி கூறியதால். அந்த வீரர்களை எரித்து
அந்த வீடியோவை வெளியிட்டுள்ளனர்.

வீடியோவில், கூண்டில் அடைக்கப்பட்டிருந்த வீரர்கள் சங்கிலியால் கட்டப்பட்டு, மண்டியிட்டவாறு, நிற்க வைக்கப்படுகின்றனர். பின் அவர்களை உயிருடன் எரித்துக் கொல்லப்படுகிறார்கள். இது சமூக வலைதளங்களில் வேகமாக பரவி வருகிறது.

துருக்கியில் இந்த வீடியோ வன்முறை அபாயம் ஏற்பட்டதால், சமூக வலைத்தளங்களுக்கு அந்நாட்டு அரசு தடை விதித்தது. இரண்டு ஆண்டுகளுக்கு முன் ஜார்டானை சேர்ந்த விமானியை ஐ.எஸ்., பயங்கரவாதிகள் இதே முறையில் எரித்துக் கொன்றனர்.